Túrkistan oblysyna Vero Cell vaktsınasynyń 127 myń dozasy jetkizildi

TÚRKІSTAN. QazAqparat - Túrkistan oblysyna Sinopharm kompanııasy óndirgen Vero Cell vaktsınasynyń 105 myń doza ekinshi komponenti men 22 myń doza birinshi komponent jetkizildi, dep habarlaıdy QazAqparat.

Atalǵan ekpeni barlyq emhanalar men ekpe saldyrý pýnkterinen qabaldaýǵa bolady.

Jalpy óńirge COVID-19 indetine qarsy vaktsınanyń 858 637 dozasy jetkizilgen.

Endi oblys turǵyndary reseılik «Spýtnık V», otandyq QazVac, Sinopharm kompanııasynyń HayatVax jáne Vero Cell, qytaılyq CoronaVac vaktsınasyn saldyra alady.

Búginde І quramdy 832 504 adam qabyldady, al ІІ komponentti – 645 073 adam saldyrǵan.

Qazir Túrkistan oblysynda aýrýdyń táýliktik ósimi - 0.38 %.

Іndet bastalǵaly koronavırýstyń 13 705 jaǵdaıy anyqtaldy.

Aıta keteıik, oblystaǵy mekemelerde 8 ottegi stantsııasy, 400 ÓJJ apparaty, myńnan asa ottegi apparaty bar.

Sondaı-aq, 2 aıǵa jetetin dári-dármek qory jasaqtalǵan, 40-tan astam dári qoımasy men 800-deı dárihana bar.