Túrkistan oblysyna «Spýtnık V» vaktsınasynyń 180 myń dozasy jetkiziledi
TÚRKІSTAN. QazAqparat - Túrkistan oblysyna birinshi kezekte COVID-19 ınfektsııasyna qarsy «Spýtnık-V» vaktsınasynyń 1300 dozasy jetkiziledi, dep habarlaıdy QazAqparat.
Oblys ákimi baspasóz qyzmetiniń málimetinshe, vaktsınanyń sapasyn qamtamasyz etý úshin arnaıy muzdatqysh kameralar qajet. 600 lıtrlik eki muzdatqysh kamera bar.
Budan bólek, aqpan aıynda kólemi 140 l bolatyn 20 muzdatqysh pen kólemi 600 l bolatyn taǵy eki muzdatqysh ákelinedi.
Túrkistan oblysynda atalmysh kameralardyń jetispeýshiligi baıqalmaıdy.
Bul týraly oblystyq qoǵamdyq densaýlyq basqarmasynyń basshylyǵy málimdedi.
«Jalpy 950 myń adamǵa vaktsına egiledi. Eń birinshi bolyp ınfektsııalyq aýrýhanada jumys isteıtin medıtsına qyzmetkerlerine ekpe salynady. Munan soń jedel járdem, emhanada qyzmet etetin mamandarǵa. Túrkistan oblysyna aqpan aıynyń sońyna deıin taǵy 180 myń vaktsına dozasy jetkizilmek», - deıdi Túrkistan oblysy Qoǵamdyq densaýlyq basqarmasynyń basshysy Marat Pashımov.
Aıta keteıik, vaktsınanyń tasymaldanýy negizgi 4 kezeńnen turady. Eń aldymen, óndirýshiden biryńǵaı dıstrıbıýtordyń qoımasyna jetkiziledi.
Odan keıin biryńǵaı dıstrıbıýtordyń qoımasynan óńirlerdegi densaýlyq saqtaý basqarmalarynyń dárihana qoımalaryna ákelinedi.
Úshinshi kezeńde óńirlerdegi densaýlyq saqtaý basqarmalary bul vaktsınalardy qalalar men aýdandardaǵy medıtsınalyq uıymdarǵa tasymaldaıdy.
Tórtinshi kezeńde vaktsına sol medıtsınalyq uıymdarda sapaly kúıde saqtalýy kerek.
Óńirde jyl basynan beri COVID-19 ınfektsııasynyń 361 jaǵdaı anyqtalǵan, 100 myń halyqqa shaqqandaǵy kórsetkish 17,8 quraıdy.
