Túrkistan oblysyna Spýtnık Laıt vaktsınasynyń 25 myń dozasy jetkizildi

TÚRKІSTAN. QazAqparat - Túrkistan oblysyna 25 000 doza kóleminde «Spýtnık Laıt» vektorlyq vaktsınasy jetkizildi, dep habarlaıdy QazAqparat tilshisi.

«Spýtnık Laıt» — revaktsınatsııa úshin qoldanylatyn bir komponentti vaktsına. Ol Reseıde ázirlengen.

Aıta keteıik, oblysta 1046428 adam vaktsınanyń birinshi quramyn saldyrýǵa nıet bildirgen.

Ekinshi komponentin 1037716 adam qabyldaǵan. 90972 turǵyn revaktsınatsııa alǵan.

Qazir oblys aýmaǵynda 150 ekpe qabyldaý beketi jumys istep jatyr. Búginde oblys «sary» aımaqta tur. Óńirde 22 qańtarda COVID-19 indetiniń 135 jaǵdaıy tirkeldi.

Táýliktik ósim - 0.77%. Qazir ınfektsııalyq statsıonarlarda barlyǵy 900 oryn bar. Munda 279 naýqas em qabyldap jatyr.

Jalpy pandemııa beleń alǵaly KVI-diń 17 531 jaǵdaıy anyqtaldy.

Sondaı-aq búginge deıin 1 202 975 PTR synamasy alynǵan.

Al sońǵy táýlikte zerthanalarda 2152 adam tekserildi.