Túrkistan oblysyna Saha Respýblıkasynan jýrnalıster keldi
TÚRKІSTAN. QazAqparat - Túrkistan oblysyna Reseı Federatsııasynyń Saha (ıAkýtııa) Respýblıkasynan bir top jýrnalıster keldi. Qonaqtar Otyrar aýdanyndaǵy Arystan bab kesenesimen tanysyp, HІІІ ǵasyrdyń erekshe arheologııalyq eskertkishi Otyrar qalashyǵyn aralady, dep habarlaıdy QazAqparat tilshisi.
Atalǵan shara Túrkistan oblysynda túrki álemine ortaq qundylyqtardy nasıhattaý men medıa qaýymdastyqtardyń elaralyq baılanysyn nyǵaıtý maqsatynda uıymdastyryldy. Sahalyq tilshiler qaýymy óńirdiń tarıhı oryndardyń tylsymyna qanyǵyp, kıeli mekenderge qyzyǵýshylyq tanytty. Túrkistan qalasyna kelgen sheteldik meımandar ıÝNESKO tizimine engizilgen Q.A.ıAsaýı kesenesine táý etti. Sodan keıin Q.A.ıAsaýı atyndaǵy HQTÝ-dyń oqý bazasymen tanysyp, ýnıversıtettiń májilis zalynda sheteldik jas talapker stýdenttermen kezdesti. Jıynda Túrki álemine ortaq tarıhı, rýhanı qundylyqtar jaıly, medıa qaýymdastyqtardyń elararlyq baılanysyn nyǵaıtý máseleleri jóninde salıqaly suhbattar júrgizdi. Jastarmen qundy pikirler almasyp, óz oılaryn ortaǵa saldy.
Sapar sońynda Saha Respýblıkasyndaǵy BAQ salasynyń maıtalman mamandary, ardager jýrnalısterinen quralǵan top Túrkistanǵa saıahattyń joǵary deńgeıde ótkenin aıtyp ótti. Osynaý ıgi isterge bastama bolǵan oblys ákimdigine rızashylyqtaryn bildirdi. Meımandar kıeli óńirdiń týrızmi men rýhanı-mádenı salasy halyqaralyq deńgeıde damıtytyna senimdi ekendikterin jetkizdi.
