Túrkistan oblysyna koronavırýqa qarsy vaktsınanyń 10 myńǵa jýyq dozasy jetkizildi
TÚRKІSTAN. QazAqparat - Koronovırýs ınfektsııasyna qarsy vaktsınalaý jumystary jalǵasýda. Óńirge «Gam-KOVID Vak» preparatynyń taǵy 1300 dozasy jetkizildi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Medıtsına qyzmetkerleri koronavırýsqa qarsy «Spýtnık V» vaktsınasyn ekinshi ret qabyldaýda. Óńirde mundaı mamandandyrylǵan mekemelerdiń 20 orny ashylǵan.
Budan basqa, «Gam-KOVID Vak» vaktsınasynyń taǵy 8600 dozasyn jetkizý josparlanǵan. Bul eki komponentti preparat, 21 kún aralyǵymen kezeń-kezeńimen engizýdi qamtıtyn vaktsınatsııa. Ekinshi doza birinshisiniń áserin kúsheıtedi jáne bekitedi, adam aǵzasyndaǵy antıdenelerdiń sany artady. Osylaısha, bir adamdy ımmýndaý úshin eki ret egý qajet. Resmı málimetterge sáıkes, Túrkistan oblysynda 1300 medıtsına qyzmetkeri COVID-19-ǵa qarsy egildi.
Sońǵy táýlikte koronavırýs ınfektsııasynyń 4 jaǵdaıy tirkeldi. Táýligine ósim 0.09% quraıdy. Pandemııa bastalǵaly barlyǵy KVI-diń 4244 jaǵdaıy tirkeldi, onyń 2723-i sımptomsyz ótti. Statsıonarlarda 1674 adam emdeldi. Juqpaly aýrýlar aýrýhanalarynda barlyǵy 610 oryn bar, olardyń 516 –sy bos.
1 aqpanda Qazaqstanda halyqty erikti túrde kezeń-kezeńmen vaktsınatsııalaý naýqany bastalǵany belgili. Vaktsınany tek QR kámeletke tolǵan azamattary ǵana ala alady. Túrkistan oblysynda KVI-ǵa qarsy vaktsınatsııa 2021 jyldyń sońyna deıin jalǵasady jáne bul halyqtyń 45-50% - yn qamtıdy.
