Túrkistan oblysyna «Hayat-Vax» vaktsınasynyń 17 myń dozasy ákelindi
TÚRKІSTAN. QazAqparat – Túrkistan oblysyna «Hayat-Vax» vaktsınasynyń 17 myń dozasy ákelindi, dep habarlaıdy QazAqparat ákimdikke silteme jasap.
Túrkistan oblysynda koronavırýsqa qarsy vaktsına saldyrý pýnktteriniń sany artty. Buǵan deıin Túrkistan oblysy boıynsha 80 medıtsınalyq mekemelerde ınfektsııaǵa qarsy vaktsınatsııalaý jumystary júrgizilip keldi. Qazir ekpe egý pýnkterniń sany 102-ge jetti. Al, qaterli indetke qarsy vaktsınany óńirde 163 459 adam saldyrǵan. Ekinshi komponentpen 40 myńǵa jýyq adam qabyldaǵan.
Jalpy 1 aqpannan oblysqa COVID-19 ndetine qarsy vaktsınanyń 177 100 dozasy jetkizilgen. Búgin taǵy «Hayat-Vax» vaktsınasynyń 17 myń dozasy keldi. Sonymen qatar, mamyr aıynyń sońyna deıin «Hayat-Vax» vaktsınasynyń 55 000 jáne «Spýtnık-V» vaktsınasynyń 29 305 doza kútilýde.
Sońǵy táýlikte Túrkistan oblysynda 24 adamda COVID-19 indeti anyqtaldy. Táýliktik ósim 0,41 % quraıdy. Memlekettik PTR zerthanalarynyń sany 3 birlikten 10 birlikke deıin jetkizildi. Jalpy oblysta pandemııa beleń alaǵaly 695 281 PTR- synamalary alynǵan. Al, sońǵy táýlikte zerthanalarda 2239 adam tekserildi. Oblys boıynsha 1200 ınfektsııalyq jáne 300 karantındik jáne 188 reanımatsııalyq tósek-oryn uıymdastyrylǵan.
