Túrkistan oblysyna «Hayat-Vax» vaktsınasynyń 13 myń dozasy jetkizildi
TÚRKІSTAN. QazAqparat - Túrkistan oblysyna búgin «Hayat-Vax» vaktsınasynyń 13 myń dozasy jetkizildi. Sonymen qatar, turǵyndarǵa «Hayat-Vax» vaktsınasynyń ekinshi komponentiniń 17 myń dozasy jáne «Spýtnık-V» preparatynyń 11 myń dozasy salynatyn boldy, dep habarlaıdy QazAqparat tilshisi.
Búgingi kúnge óńirde indetke qarsy ekpeni turǵyndardyń 20 paıyzy qabyldap úlgergen. Bul 180 myńǵa jýyq turǵyn. Al, ekinshi komponentin 50 myńǵa jýyq adam qabyldap úlgergen. Sondaı-aq, oblys boıynsha 102 medıtsına mekemesine ınfektsııaǵa qarsy vaktsınalaý jumystary júrgizilip kelse, qazir ekpe egý pýnktterniń sany 128-ge jetken.
Aıta keteıik, aımaqta KVI pnevmonııasyn juqtyrǵandar sany kóbeıip barady. Keshe ǵana óńirde indet juqtyrǵan 39 naýqas anyqtalsa, sonyń 28-i vırýsty pnevmonııaǵa shaldyqqany belgili bolǵan. Qazirgi tańda ınfektsııalyq aýrýhanalarda osyndaı 27 naýqas jansaqtaý bólimine jatqyzylyp, ókpeni jeldetý apparatyna qosylǵan. Dárigerler jyl basynan beri vırýstan qaıtys bolǵan 16 adamnyń úsheýi jańadan bosanǵan analar, qalǵandary egde jastaǵy turǵyndar ekenin aıtady.
