Túrkistan oblysyna 5 mln jýyq dárilik zattar jetkizildi
TÚRKІSTAN. QazAqparat – Túrkistan oblysyna 5 mln-ǵa jýyq dárilik preparat keldi. Bul preparattar óz kezeginde halqy tyǵyz qonystanǵan óńirdegi dári-dármek tapshylyǵynyń oń sheshilýine yqpal etpek, dep habarlaıdy QazAqparat tilshisi.
Pandemııamen kúres úshin oblys bıýdjetinen qarajat bólinip, Ózbekstan elinen jetken kezekti partııanyń ishinde halyqqa eń qajet túrleri bar. Atap aıtqanda, ambroksol, levoflaksatsın, amınofıllın, azıtromıtsın, tseftrıakson, paratsetamol, metranıdazol, deksametazon, eýfıllın sekildi pnevmonııa jáne koronavırýsqa qarsy preparattar kezdesedi.
Osynaý qajetti dári-dármektiń jartysy óńirdegi aýdan-qala aýrýhanalaryna taratylsa, jartysy ákimdiktermen memorandýmǵa otyrǵan 153 dárihanaǵa shekti baǵamen jóneltiledi.
Aıta keteıik, buǵan deıin oblys ákimdigi halyqty qajetti dárilik zattarmen qamtamasyz etý maqsatynda jergilikti bıýdjet esebinen 500 mln teńge qarajat bólgeni belgili. Osy qarajattyń arqasynda óńirge kórshiles Ózbekstannan 100 mln teńgege 142 myń qorap dári tasymaldanǵan bolatyn.
Onyń arasynda 1 mln 420 myń quty - «Askorbın qyshqylynyń ınektsııaǵa arnalǵan eritindisi», 100 myń dana - «Deksametazon ınektsııaǵa arnalǵan ampýla» jáne 30 myń quty «Aspırın» bar edi.
Sala basshylary pandemııa kezinde kórshiles memleketten jetkizilgen preparattardy oblystaǵy medıtsınalyq uıymdar men dárihanalarǵa taratylatynyn aıtqan. Dári-dármek shamamen 2 aıǵa deıin oblystaǵy naýqastarǵa jetedi dep túsindirgen.
