Túrkistan oblysyna 1,5 mln quty dári-dármek kelip jetti

TÚRKІSTAN. QazAqparat - Búgin Túrkistan qalasyna kórshiles Ózbekstan Respýblıkasynan 100 mln teńgege 142 myń qorap dári keldi, dep habarlaıdy QazAqparat óńirlik kommýnıkatsııalar qyzmetine silteme jasap.

Onyń arasynda 1 mln 420 myń quty - «Askorbın qyshqylynyń ınektsııaǵa arnalǵan eritindisi», 100 myń dana - «Deksametazon ınektsııaǵa arnalǵan ampýla» jáne 30 myń quty «Aspırın» bar.

Preparattardy qabyldap alý sharasyna oblys ákiminiń orynbasary Sáken Qalqamanov, oblystyq qoǵamdyq densaýlyq basqarmasynyń basshysy Marat Pashımov, sondaı-aq, qalalyq emhanalardyń bas dárigerleri qatysty.

«Búgin kórshiles memleketten oblystaǵy naýqastarǵa pandemııa kezinde asa qajetti dári-dármek qory kelip otyr. Bul oblystaǵy medıtsınalyq uıymdarǵa, qalǵany dárihanalarǵa taratylady. Kelgen júk 2 aıǵa deıin oblystaǵy naýqastarǵa jetedi. Aldaǵy apta Túrkııa elinen qosymsha taǵy dári-dármek qory keledi. Jalpy, oblys ákimdigi halyqty qajetti dárilik zattarmen qamtamasyz etý maqsatynda jergilikti bıýdjet esebinen 500 mln teńge qarajat bólinip otyr», - dedi basqarma basshysy Marat Orynbasaruly.