Túrkistan oblysyn damytýdyń tórt baǵyty aıqyndaldy
NUR-SULTAN. QazAqparat - Bıyl Qazaqstannyń tuńǵysh Prezıdenti Nursultan Nazarbaev Túrkistan oblysyn qurý týraly Jarlyqqa qol qoıyp, kóne shaharǵa oblys ortalyǵy mártebesin bergenine 1 jyl tolady. Osy oraıda, Túrkistannyń áleýmettik-ekonomıkalyq damýymen qatar, ıdeologııalyq damýynyń tórt baǵyty aıqyndalyp otyr, dep habarlaıdy oblystyq ákimdiktiń baspasóz qyzmeti.
Bul týraly oblystyq máslıhattyń kezekti 38 sessııasynda oblys ákimi Ómirzaq Shókeev aıtyp ótti.
Ideologııalyq ustanymnyń birinshi basymdyǵyna saı - osy qalaǵa kelgen adam kúlli qazaq memleketiniń basynan ótken tarıhı oqıǵalardan maǵlumat alatyndaı bolýy tıis. Kelgen týrıster óńirimizde ornalasqan kıeli jerlerge zııarat etip, týrıstik baǵyttardy nasıhattaıdy.
Ekinshiden - Túrkistanda álemdik deńgeıdegi sheberler ortalyǵy bolýy basty nazarda. Túrkistandaǵy Qoja Ahmet ıAsaýı kesenesi - álemde teńdesi joq sáýlet týyndysy. Ǵajaıyp ǵımaratta ǵasyrlar boıy qalyptasqan órkenıettik qurylys tájirıbesiniń izi jatyr. Keseneniń qurylysynda túrki órkenıetiniń naqyshtary men oıý-órnekteri, kóne zamandardaǵy sáýlet jáne beıneleý óner týyndysy kórinis tapqan. Tarıh qoınaýynda qalǵan, kóneden kele jatqan ulttyq qolónerimizdi keıingi urpaqqa jetkizý úshin, sheberlik qupııalar men qolóner tehnologııalaryn saqtaý, nyǵaıtý jáne jańǵyrtý úshin jaǵdaı jasalmaq.
Úshinshiden, Túrkistan toǵyz joldyń torabynda ornalasqan iri saýda ortalyǵy bolǵan. Búgin de bul qalany iri saýda, óner, týrızm ortalyǵyna aınaldyrýdyń keshendi tetigi daıyndalady. Áleýmettik-ekonomıkalyq máselelerdi sheshý tetigi mádenıet, órkenıet, saýda, sáýlet, qolóner, mýzyka sııaqty salalardy qaıta jańǵyrtýdan bastalady. Keshe tarıhı Uly Jibek Joly da osy Túrkistannan ótken bolsa, búgin de sol jol jalǵasyp keledi.
Tórtinshiden, Qoja Ahmet ıAsaýı - jalpy túrki rýhanııaty keńistiginde ózindik ilim qalyptastyryp, ıslamdyq qundylyqtar negizindegi ar túzeıtin ǵylymnyń moraldyq-etıkalyq arnasy men úlgisin kórsetip ketken tarıhı tulǵa. ıAsaýıdiń artyna qaldyrǵan óshpes murasy onyń eńbekterinde jatyr. Osy maqsatta Qoja Ahmet ıAsaýıdyń Túrkııa, Ózbekstan, Iran, Indonezııa jáne Eýropa elderindegi shákirtteriniń basyn qosatyn sımpozıým uıymdastyrylmaq.
Sondaı-aq, oblys ımıdjine oń áser etetin is-sharalar jıi ótkiziledi dep kútilýde.
