Túrkistan oblysyn álemniń 30-ǵa tarta elinen kelgen dárigerler aralap júr
TÚRKІSTAN. QazAqparat - Túrkistan oblysyna álemniń 30-ǵa tarta alpaýyt elderinen bilikti dárigerler kelip, bas qosty. AQSh, Anglııa, Germanııa, Reseı sekildi memleketterdiń mamandary 7 kún boıyna aýdandyq aýrýhanalardy aralap, tegin keńester beretin bolady, dep habarlaıdy QazAqparat tilshisi.
Túrkistan oblysynyń ákimi Janseıit Túımebaev pen oblystyq Densaýlyq saqtaý basqarmasy basshylyǵynyń qoldaýymen júzege asyrylǵan bul bastamaǵa sheteldik dárigerler biraýyzdan qoldaý kórsetti. Qonaqtar eń aldymen oblystyq klınıkalyq aýrýhanada ótken halyqaralyq medıtsınalyq konferentsııaǵa qatysyp, óńirdegi birqatar medıtsınalyq mekemelerdiń jetekshilerimen júzdesti. Aımaqta jıi kezdesetin aýrý túrlerimen tanysyp, ony emdeýdiń joldaryn qarastyrdy.
Muhıt asyp kelgen mamandar ásirese onkologııa, pedıatrııa, revmatologııa, stomatologııa, terapııa jáne gastroenterologııa boıynsha túrli keńesterin berdi. Búgin sheteldik dárigerlerden quralǵan top Saıram aýdanyna baryp, ondaǵy naýqastardy qaraıdy dep kútilýde. 
