Túrkistan oblysy jastar úshin jańa múmkindik ekenin túsiný kerek - Qýanysh Sultanov
«Eń bastysy, Prezıdent elimizdiń ósimi men damýy jolynda saıası sheshim qabyldady. Qysqa merzimde bizde úshinshi megapolıs paıda bolyp jatyr. Budan buryn bizde mıllıon turǵyny bar Almaty qalasy ǵana bar edi. Ótken ýaqyttyń ishinde Astana, al endi Shymkent bul mejeni baǵyndyrdy. Túrkistan oblysy ósim úshin jańa múmkindik. Atap aıtqanda, jas býyn úshin jańa múmkindikter ashylady», - dep toqtaldy Q. Sultanov.
Osy oraıda depýtat Túrkistan oblysynda týrızmdi, aýyl sharýashylyǵynyń barlyq baǵyttaryn, ónerkásip salasyn damytý úshin tyń qadamdar iske asyrylatynyn jetkizdi.
Qýanysh Sultanovtyń atap ótýinshe, aldaǵy ýaqytta Memleket basshysynyń Jarlyǵy negizinde barlyq qajetti normatıvtik qujattar qabyldanatyn bolady.
Budan buryn habarlanǵandaı, Elbasy Nursultan Nazarbaev Túrkistan oblysynyń paıda bolýyna baılanysty pikir bildirdi.
Sonymen qatar, Prezıdent jańa oblys ortalyǵynyń qurylýyna baılanysty birqatar tapsyrmalar júktedi.