Túrkistan oblysy turǵynynyń jylyjaıynan 1,5 tonna qııar urlandy
Departamenttiń baspasóz qyzmeti taratqan aqparattarǵa qaraǵanda, Túrkistan oblysynyń Ordabasy aýdandyq ishki ister bólimine jergilikti turǵyn kelip, jylyjaıynda ósip turǵan qııarlary urlanǵanan aıtqan.
Qrlanǵan qııardyń salmaǵy 1500 kelini qurap, jábirlenýshige 1 mıllıon 500 myń teńge shyǵyn kelgen. Atalǵan jaıtty polıtsııa qyzmetkerleri QR QK-niń 188-baby «Urlyq» boıynsha sotqa deıingi tergeýdiń biryńǵaı tizilimine tirkedi.
Bolǵan oqıǵa boıynsha jedel tergeý toby qurylyp, qylmystyq isti ashý maqsatynda birden iske kiristi. Polıtsııa urlyq bolǵan aımaqty bir sholyp shyǵyp, aınaladaǵy beınebaqylaý kameralaryn muqııat qarap, kúdikti bolyp kóringen azamattardan túsinik aldy. Nátıjesinde osy jaıtqa qatysy bar Ózbekstan Respýblıkasynyń azamaty ustalyp, bólimshege jetkizildi.
Tergeý barysynda kúdikti jas azamattyń qııar ósiretin jylyjaıynda jumys isteıtini belgili boldy. Sondaı-aq polıtseıler kúdikti azamattyń qylmysqa qatysy bar 4 sybaılasy baryn anyqtady. Olar da ózge eldiń azamattary. Kúdiktiler salmaǵy 1 jarym tonna bolatyn qııardy jeke-jeke qapqa salyp satpaq bolǵan. Alaıda olar aram oılaryn aqyryna deıin jetkize almady. Qazirgi tańda 4 sybaılasqa qatysty izdestirý amaldary júrip jatyr. Ustalǵan kúdikti azamat qamaýǵa alyndy. Búgingi tańda kúdiktige qatysty sotqa deıingi tergeý amaldary jalǵasýda.