Túrkistan oblysy turǵynynan 10 keli esirtki tárkilendi

ASTANA. QazAqparat – Túrkistan oblysy Keles aýdany turǵynynan 10 keli esirtki tárkilendi, dep habarlaıdy QazAqparat rolisia.kz saıtyna silteme jasap.

Túrkistan oblysy PD Esirtki qylmysyna qarsy is-qımyl basqarmasynyń polıtseıleri arnaıy jedel izdestirý sharalary aıasynda kúdikti retinde Saryaǵash aýdanynyń turǵynyn ustady. Onyń úıine tintý júrgizý kezinde úsh polıetılen paketke salynǵan esirtkige uqsas zat tabylyp, tárkilendi. Polıtseıler kúdikke ilingen er adamnan jaýap alý barysynda onyń esirtkini Keles aýdanyndaǵy tanysynan alǵanyn anyqtady.

Keles aýdany turǵynynyń úıine kezek kúttirmeıtin tintý jumystary júrgizildi. Nátıjesinde er adamnan esirtkige uqsas zaty bar bes polıetılen paket pen bir qapty taýyp, aıǵaq zat retinde tárkilep aldy. Tabylǵan zattarǵa saraptama taǵaıyndaldy. Nátıjesinde ol 10 kelige jýyq marıhýana bolyp shyqty.

Atalǵan jaıt QR QK-niń 296-baby «Esirtki quraldarymen, psıhotroptyq zattarmen, olardyń analogtarymen satý maqsatynsyz zańsyz jumys isteý» boıynsha tirkelip, qylmystyq is qozǵaldy. Qazirgi tańda sotqa deıingi tergeý amaldary júrgizilip jatyr.