Túrkistan oblysy: Túlkibasta eki jańa mektep salynady
TÚRKІSTAN. QazAqparat – Bıyl Túrkistan oblysy Turar Rysqulov aýylynda eki jańa mektep boı kóteredi, dep habarlaıdy QazAqparat.
Óńirlik kommýnıkatsııalar qyzmetinen málim etkendeı, Túlkibas aýdanynyń ortalyǵynda salynatan bilim uıasy 300 orynǵa laıyqtalǵan. Sondaı-aq, Mashat aýyldyq okrýgine qarasty Eńbekshi aýylynan 150 oryndyq jańa mekteptiń qurylysy bastaý almaq.
Bilim salasyndaǵy bul máseleler jergilikti turǵyndar tarapynan kóp jyldan beri kóterilip kelgen. Ońtaıly sheshimi tabylǵan bilim salasyndaǵy aýdannyń tyń jańalyǵy oblys ákiminiń qoldaýymen iske asyp otyr. Qazirgi tańda mektepterdiń ornalasý aýmaǵy belgilengen.
Aýdan oralyǵyndaǵy mektep qurylysy - Túlkibas agrobıznes jáne saıahat kolledjiniń mańyndaǵy ardagerler alleıasynyń ornynda, al Eńbekshi aýylyndaǵy oqý ordasy - Tursynbekov mektebiniń janynan boı kótermek. Búgingi tańda qos jobaǵa oblystyq bıýdjetten bastapqy qarjy bólingen.
Aıta keteıik, buǵan deıin Túrkistan oblysynyń Túlkibas aýdany Sastóbe kentinde jańa emhana qurylysy bastalatynyn jazǵan bolatynbyz. Kúnine 70 adam qabyldaı alatyn emhana qurylysyna oblystyq bıýdjetten 404 mln teńge qarjy qarastyrylǵan.
