Túrkistan oblysy tarıhı fılm túsirýden kósh bastap tur
TÚRKІSTAN. QazAqparat - Túrkistan oblysy tarıhı fılm túsirýden kósh bastap tur. «Túrkistan», «Oqsyz», «Ordabasy - birliktiń týy» anımatsııalyq fılmderi men 10 serııaly «Tóle bı» teleserıaly túsirildi. Aǵymdaǵy jyldyń 19 qarashasynda «Kıeli Túrkistan jáne Túrki dúnıesiniń rýhanı jańǵyrýy» atty ǵylymı-teorııalyq halyqaralyq konferentsııa ótkizildi, dep habarlaıdy QazAqparat tilshisi.
Oblystyq ákimdik baspasóz qyzmetiniń málimetinshe, ıÝNESKO-nyń «Uly Jibek joly eskertkishteri» atalymy boıynsha álemdik mádenı muralar tizimine engen ortaǵasyrlyq 8 eskertkish (Saýran qalashyǵy, Túrkistan, Sıdaq, Qaraspan, Jýantóbe, Kúltóbe, Otyrar oazısiniń eskertkishteri, Bórjar qorǵany) týraly alǵash ret derekti fılm túsirildi. Tarıhı-mádenı muralarymyzdy nasıhattap, jastarǵa patrıottyq tárbıe berý maqsatynda túsirilgen «Kóne jetigenniń syry» atty 10 serııaly telehıkaıa respýblıka kórermenderine usynyldy. «Kıeli Qazyǵurt», «Otyrardy qorǵaý» atty tarıhı-anımatsııalyq fılmder respýblıkalyq jáne jergilikti telearnalardan kórsetilgen.
Odan bólek, Túrkistan oblysy men Qazaqstannyń kıeli jerleri kartasyna engen nysandar týraly aǵylshyn, qytaı, qazaq jáne orys tilderinde arnaıy rolıkter jáne «Ontustik TourAudio» mobıldi qosymshasy ázirlengen. Týrıster jıi baratyn 35 týrıstik nysanda jáne 100 monýmenttik óner eskertkishterine QR-kodtar ornatylǵan.
Sonymen qatar, vırtýaldy 3 beınerolık ázirlenip, VR-qural jabdyǵy arqyly 360 gradýsta kıeli oryndy tamshalaýǵa múmkindik jasalǵan. Oblystaǵy qasıetti, kıeli oryndar men týrıstik mańyzy bar eskertkishterge 21 baǵytta týrıstik marshrýttar ashylǵan. Bul - týrızmdi damytýǵa serpin beretin jumystar bolyp otyr.
Budan bólek, óńirde «Rýhanı jańǵyrý» baǵdarlamasy sheńberinde naqty jumystar atqarylǵan. Sonyń ishinde «Rýhanı jańǵyrý» baǵdarlamasynyń «Qazaqstannyń kıeli jerler geografııasy» arnaıy jobasy boıynsha Túrkistan oblysynan 24 nysan respýblıkalyq, 60 tarıhı-mádenı eskertkish oblystyq tizimge engizilgen.
Sondaı-aq, óńirde kıeli oryndardy retke keltirý men damytý úshin aǵymdaǵy jyly oblys bıýdjetinen 686 mln teńge qarjy bólindi. Demeýshiler tarapynan quny 208,4 mln teńgeniń jumystary atqarylǵan. Atap aıtqanda, Qoja Ahmet ıAsaýı kesenesi aýmaǵyn jáne Kúltóbe qalashyǵyn qalpyna keltirý, Ýkasha Ata kesenesine baratyn avtokólik joly, avtoturaq jáne oryndyqtar ornatý, Appaq Ishan meshitiniń shatyryna kúrdeli jóndeý jumystary júzege asyrylýda. Sonymen qatar, Otyrar qalashyǵynyń qaqpasyn qaıta qurý, irgeles aýmaǵyn abattandyrý, kógaldandyrý jobasyna oblystyq bıýdjetten 28,8 mln teńge bólinip, qurylys jumystary bastalǵan.
