Túrkistan oblysy Shornaq aýylyndaǵy jaǵdaı turaqtaldy - polıtsııa
TÚRKІSTAN. QazAqparat - Túrkistan oblysynyń Kentaý qalasyna qarasty Shornaq aýylyndaǵy jaǵdaı turaqtaldy. Bul týraly oblystyq Polıtsııa departamenti resmı málimet taratty, dep habarlaıdy QazAqparat tilshisi.
Buǵan deıin áleýmettik jelide bir top azamat ózderiniń narazylyǵyn bildirgen beınejazba taralǵan bolatyn. Atalǵan oqıǵa Kentaý qalasyna qarasty Shornaq aýylynda bolǵan turmystyq janjaldy jergilikti polıtsııa qyzmetkerleri toqtatqan edi.
Oblystyq PD baspasóz qyzmetiniń málimetinshe, oqıǵa ornyna birinshi bolyp kelgen Kentaý qalalyq PB-niń ýchaskelik polıtsııa ınspektory janjaldy toqtatý áreket jasaǵan. Polıtsııa qyzmetkeri alǵan jaraqatyna jáne azamattardyń qarsylyǵyna qaramastan óz mindetin atqaryp, kúsh pen atys qarýyn qoldanýǵa jol bermegen. Ýchaskelik polıtsııa ınspektory men úsh aýyl turǵyny laqtyrylǵan tastan jaraqat alǵan. Olarǵa medıtsınalyq kómek kórsetilgen.
Al, kelesi kúni Shornaq aýylyna jınalǵandar jaqyn mańdaǵy aýyl turǵyndaryn zańǵa qaıshy áreketter jasaýǵa shaqyrǵan. Atalǵan jaıtty polıtsııa qyzmetkerleri birden toqtatty. Aýyl turǵyndarymen oblystyń qoǵamdyq jáne ákimdik ókilderi kezdesti.
«Júrgizilgen izdestirý is-sharalary barysynda krımınaldyq polıtsııa qyzmetkerleri 4 azamatty anyqtap, ustady. Onyń 2-eýi sottyń sheshimimen qamaýǵa alyndy. Qazirgi ýaqytta oryn alǵan oqıǵanyń tolyq mán-jaıy anyqtalýda. Buzaqylyq faktisi boıynsha sotqa deıingi tergeý amaldary júrgizilýde» delingen habarlamada.
