Túrkistan oblysy shetelge 4,5 myń tonna sıyr etin eksporttady

TÚRKІSTAN. QazAqparat -  Túrkistan oblysynyń Aýyl sharýashylyq basqarmasy basshysynyń mindetin atqarýshy Nurbek Badyraqov Óńirlik kommýnıkatsııalar qyzmetinde brıfıng ótkizdi. Jıynda mekemeniń jyl basynan beri atqarǵan isteri  men aldaǵy josparyn baıandady, dep habarlaıdy QazAqparat tilshisi.

Nurbek Badyraqovtyń málimetinshe, 9 aıda óńirde iri qara mal basy sany 11 paıyzǵa artyp, 972,6 myńǵa jetken. Qoı basy 4,3 mln, jylqy sany 304 myńǵa jetken. Al, túıe 6,8 paıyzǵa artyp, 27,5 myń basqa, qus 8,2 paıyzǵa artyp, 1,93 mln-ǵa kóbeıgen.

«Maldyń kóbeıýine baılanysty óńirdegi et óndirý kórsetkishi 7 paıyzǵa artqan. Nátıjesinde óndirilgen et kólemi 154,7 myń tonnaǵa jetip otyr. Al, jumyrtqa ónimi 9,2 paıyzǵa artyp, 146,7 mln danany qurady. Sút 3,2 paıyzǵa artyp, 555 myń tonnaǵa jetti. Jalpy oblysta 4,5 myń tonna iri qaranyń eti alys jaqyn shet elderge eksporttalyp, tapsyrma 4,5 esege oryndaldy. Bul etti eksporttaý boıynsha óńirimizdiń respýblıkada birinshi orynda turǵanyn bildiredi», - dedi Nurbek Badyraqov.

Búginde aımaqta 2018-2027 jyldarǵa arnalǵan uzaq merzimdi etti mal sharýashylyǵyn damytý baǵdarlamasyna sáıkes jumys jospary ázirlengen, qujatty Aýyl sharýashylyǵy mınıstrligi bekitti. Joba boıynsha urǵashy sıyrdy 2027 jylǵa qaraı 1 218,7 myń basqa jetkizý, onyń ımporttaýdy 36 myń basqa jetkizý kózdelip otyr.

Aıta keteıik, atalǵan baǵdarlamanyń negizgi mindeti - fermerlik sharýashylyqtardy damytý. Onyń aıasynda mal basyn kóbeıtemin deýshilerge 15 jylǵa deıin, 4 paıyzben nesıe beriledi.