Túrkistan oblysy polıtseıleri joǵalǵan jylqylardy ıesine qaıtardy
TÚRKІSTAN. QazAqparat - Ordabasy aýdanynyń polıtseıleri jaıylymnan joǵalǵan 7 jylqyny tez arada taýyp, egesine qaıtardy, dep habarlaıdy QazAqparat oblystyq polıtsııa departamentine silteme jasap.
Mal urlyǵyna jasalǵan taldaý kezinde anyqtalǵandaı, ıeleriniń maldaryna qaramaı bos jiberýi mal urlyǵymen aınalysatyn qylmyskerlerdiń oń jambasyna kelip otyr.
2019 jyldyń naýryz aıynda Ordabasy APB-ne aýdannyń jergilikti turǵyny 7 bas jylqysynyń joǵalǵanyn aıtyp aryzdanady. Birneshe kún izdep, ózderi taba almaǵan soń olar polıtsııa qyzmetkerlerine habarlasqan. Polıtsııa qyzmetkerleri arnaıy mobıldi top qurylyp, jedel - izdestirý sharalary júrgizildi. Shuǵyl izdestirý nátıjesinde mal 3 kúnnen keıin Saıram aýdanyna qarasty jaıylymnan tabylǵan. Jylqylardy polıtsııa bólimine ákelip, aryzdanýshy azamatshaǵa qaıtarǵan. Óz kezeginde, jylqysy tabylǵan jergilikti turǵyn Uljan Іlesova polıtsııa qyzmetiniń ýchaskelik ınspektory, polıtsııa maıory Abzal Manabaevqa jáne Ordabasy aýdany polıtseılerine sheksiz alǵysyn bildirdi. Quqyq qorǵaý qyzmetkerleriniń aıtýynsha, kóbinese tórt túlik negizinen óriste, jaıylymda qaraýsyz qalǵandyqtan joǵalady. Sonymen qatar, mal urlyǵynyń izin sýytpaı ashýda keı jaǵdaılarǵa ıeleriniń ózderi izdep, ýaqyt ótkizip baryp, habarlaýy da kedergi keltirip otyr.
Sondyqtan Túrkistan oblysy polıtsııa departamenti mal qoldy bolyp nemese jaıylymnan joq bolyp ketse, der ýaqytynda habar berý kerektigin eskertedi. Sondaı-aq, malǵa tańba salýdy mindetteıdi.
