Túrkistan oblysy polıtseıleri oqýshylarmen kezdesti
TÚRKІSTAN. QazAqparat - Іshki ister organdary qyzmetiniń tanymaldyǵyn kóterý maqsatynda, sonymen qatar ІІO bólinisterin sapaly mamandarmen tolyqtyrýǵa baılanysty Túrkistan oblysy polıtseıleri mektepterde kóptep kezdesýler ótkizýde, ep habarlaıdy QazAqparat óńirlik PD-niń baspasóz qyzmetine silteme jasap.
Bul jolǵy kezdesý Polıtsııa bóliminiń janynan ashylǵan front-ofıste uıymdastyryldy. Túlkibas aýdany T.Rysqulov aýylynda ornalasqan «Daryn» gımnazııasynyń oqýshylary halyqqa qolaıly bolý úshin jasalǵan jaıly keńsege keldi. Aýdandyq polıtseıler, oqýshylarǵa ІІO-na qyzmetke ornalasý úshin qandaı oqý ornyna túsý kerektigin jiti túsindirip ótti. Іs-sharaǵa Túlkibas APB bastyǵynyń orynbasary polıtsııa maıory Q.Túımebaev, JPQ BPT aǵa ınspektory A.Baıjanysova, mektep dırektorynyń tárbıe-isi jónindegi orynbasary D.Ońalbekov, sondaı-aq mekteptiń joǵary synyp oqýshylary qatysty.
Kezdesý barysynda polıtseıler, jastarǵa «ІІO qyzmetine kandıdattardy qabyldaý boıynsha kásibı baǵdar berý jumystary júrgizilip, bolashaqta polıtseı bolý úshin birinshi kezekte shydamdylyq pen qaısarlyq qajet ekeni túsindirildi. Oǵan qosa, ІІO qyzmetkerlerine búgingi tańda barlyq jaǵdaı jasalǵandyǵy aıtyldy. Sondyqtan el men jerdiń qaýipsizdigin qamtamasyz etip, qoǵamdyq tynyshtyqty saqtaýda belsendilik tanytýǵa shaqyrdy.
Keleli kezdesýde, polıtseıler men oqýshylar arasynda ashyq suhbat órbidi. Bolashaqta polıtseı bolǵysy keletin oqýshylardyń suraqtaryna naqty jaýap berildi. Tártip saqshylary qatarynda jalyndy jastarǵa qashanda oryn tabylatyndyǵy atap ótildi.
Búgingi kúni jastar arasynda oryn alyp jatqan qylmystardy boldyrmaý, jolyn kesý aıasynda, odan bólek ІІO-na qyzmetke ornalasýdyń talap-tártipterin túsindirý maqsatynda ótkizilgen osyndaı is-sharalar aldaǵy ýaqytta da óz jalǵasyn tappaq.
