Túrkistan oblysy: Polıtseıler joǵalǵan oqýshylardy úılerine din-aman qaıtardy
TÚRKІSTAN. OBLYSY. QazAqparat –Túrkistan oblysynyń Túlkibas aýdandyq polıtsııa bólimine jergilikti turǵyn aryzdanyp, mektepten kámeletke tolmaǵan balasynyń úıine kelmegenin jetkizgen. Atalǵan jaıt Túlkibas APB-de tirkeýge alynyp, jedel-izdestirý is-sharalary júrgiziledi.
Polıtsııa qyzmetkerleri, 12 saǵat 30 mınýtta jasóspirim velosıpedpen mektepke ketip, biraq sabaqtan keıin úıge qaıtyp oralmaǵanyn, sondaı-aq, osy jolmen velosıpedpen mektepke barǵan taǵy da 12 jasar kórshisiniń uly da joǵalǵanyn anyqtady. Ustazdar men synyptastarynan surastyra kele, jasóspirimderdiń mektepte bolmaǵandyǵy da anyqtaldy.
Odan ári izdestirý is-sharalar barysynda tártip saqshylary jaqyn mańdaǵy barlyq aýmaqtardy aralap, kórýi múmkin elderden surastyrý júrgizedi. Jergilikti turǵyndar kúndiz aýyl kósheleriniń birinde eki oqýshyny kórgenderin aıtady. Belgili bolǵandaı, balalar buǵan deıin de úıden ketip, qaıtadan oralyp otyrǵan.
Birneshe saǵattan keıin Túlkibas APB-niń qyzmetkerleri kórshiles Saıram aýdanyna shamamen 50 shaqyrym jerden joǵalyp ketken jasóspirimderdi tapty. Balalar ata-analaryna din-aman tabystaldy.
Túlkibas aýdanynyń turǵyndary polıtseılerge qyraǵylyq tanytyp, balalaryn aman-esen tapqandary úshin alǵystaryn bildirdi.
Óz kezeginde, Túrkistan oblysynyń polıtseıleri ata-analarǵa saq bolýdy, balalardy qaraýsyz qaldyrmaý qajettigin eskertedi. Balalar men týystary joǵalǵan jaǵdaıda tez arada «102» telefonyna habarlasý suraaldy.
