Túrkistan oblysy men TÚRKSOI arasynda memorandýmǵa qol qoıyldy
TÚRKІSTAN. QazAqparat - Búgin ıAsaýı atyndaǵy HQTÝ-dyń Mádenıet ortalyǵynda TÚRKSOI uıymynyń 25 jyldyǵyna arnalǵan saltanatty shara ótti, dep habarlaıdy oblys ákiminiń baspasóz qyzmeti.
Jıynǵa qatysýshylar áýeli mereıtoıǵa arnalǵan kórmeni tamashalady. Halyqaralyq uıym jaıly arnaıy beınefılm kórsetildi. Basqosýda alǵashqy bolyp sóz alǵan Túrkistan oblysynyń ákimi Janseıit Túımebaev jıylǵan qaýymdy Halyqaralyq túrki álemi gýmanıtarlyq ǵylymdar kongresi aıasyndaǵy «TÚRKSOI-dyń qurylǵanyna 25 jyl» sektsııasynyń ashylýymen quttyqtady. 
«Túrki áleminiń búgingi zamandaǵy kemeńger kóshbasshysy atanǵan Prezıdentimiz Nursultan Nazarbaev «TÚRKSOI» túrki áleminiń ıÝNESKO-syna aınalýy tıis» degen bolatyn. TÚRKSOI uıymy túrki áleminiń mádenı astanalaryn tańdaý jobasyn 2012 jyldan beri júzege asyryp, Túrki dúnıesiniń ıÝNESKO-syna aınaldy. Túrki halyqtary jahandaný zamanynda alpaýyt elderge jutylyp ketpeı, ulttyq kodyn, ózindik erekshelikterin, mádenıeti, rýhanııaty men memlekettiligin saqtap qalý úshin ózara yntymaqtastyǵyn nyǵaıtyp, birligin bekemdeı túsýi kerek. Osyny eskersek, «Túrkistan - Túrki áleminiń mádenı astanasy» jyly Elbasynyń rýhanı jańǵyrý jónindegi bastamasymen úılesip, Máńgilik el murattarymen úndesip keldi. Túrkistan - túrki qaǵanattarynyń týy tigilgen Orda. Túrkistan - túrki halyqtarynyń orasan zor oǵlandary aq kıizde han kóterilgen qasıetti jer. TÚRKSOI uıymy aldaǵy ýaqytta da túrli qalalardy Túrki áleminiń mádenı astanasy etip jarııalaı otyryp, týysqan halyqtar arasyndaǵy osynaý baılanystardy odan ári tereńdete túseri shúbásiz. Túbi bir túrki túgel bolsa, bizdiń alar asýlarymyz ben baǵyndyrar bıikterimiz kóp bolmaq!», - dedi Janseıit Qanseıituly. 
Sondaı-aq, jıynda TÚRKSOI Halyqaralyq uıymynyń Bas hatshysy Dúısen Qaseıinov, Q.A.ıAsaýı atyndaǵy HQTÝ Ókiletti keńesiniń tóraǵasy Mýsa Iyldyz, ıAsaýı atyndaǵy HQTÝ rektory Bolatbek Ábdirasilov syndy ǵalymdar uıymnyń mańyzdylyǵy haqynda baıandama jasady.
Aıta keterligi, saltanatty sharada Túrkistan oblysynyń ákimi Janseıit Túımebaev TÚRKSOI Halyqaralyq uıymynyń «Qurmet» ordenimen marapattaldy. 
Sonymen qatar, Túrkistan oblysynyń ákimdigi men «TÚRKSOI» Halyqaralyq uıymy arasynda mádenıet salasyndaǵy yntymaqtastyq jónindegi ózara túsinistik týraly memorandýmǵa qol qoıý rásimi ótti. Jıyn kontserttik baǵdarlamamen qorytyndylandy.
