Túrkistan oblysy men Shymkent birtutas týrıstik baǵyt retinde damytylmaq

TÚRKІSTAN. QazAqparat - Túrkistan oblysy men Shymkent qalasynyń týrızm basqarmalarynyń basshylary Óńirlik kommýnıkatsııalar qyzmetiniń alańynda ózara memorandýmǵa qol qoıyp, eki jaqty kelisimge keldi, dep habarlaıdy QazAqparat óńir basshysynyń baspasóz qyzmetine silteme jasap.

Mundaǵy maqsat - Túrkistan oblysy men Shymkent qalasyn birtutas týrıstik baǵyt retinde odan ári damytý.
Qol qoıý rásiminde oblystyq týrızm basqarmasynyń basshysy Gýlmıra Ahberdıeva eki aımaqtyń erekshelikteri men týrıstik áleýetin paıdalana otyryp, bolashaqta túrli baǵyttaǵy týrısterdi tartýdyń iri ortalyqtarynyń birine aınalatynyna senim bildirdi.
«Óńirlerde týrızmniń tarıhı-mádenı, ekologııalyq, ekstremaldy, gastronomııalyq jáne basqa da túrlerin damytýǵa zor múmkindik bar. Qarapaıym mysaly, Q.A.ıAsaýı kesenesine minájat etý týry Shymkent qalasynyń aýmaǵynda ornalasqan ataqty sopynyń ata-anasy - Ibragım ata men Qarashash ana kesenelerine barýdan bastalady. ıAǵnı, Túrkistan men Shymkentti qaı jaǵynan alyp qarasańyz da bólip qaraýǵa kelmeıtin ortaq dúnıelerge baı. Osy rette búgingi eki jaqty memorandým aldaǵy ýaqytta óziniń jemisin berip, sátti jobalardy júzege asyrýǵa sep bolady degen senim bar», – dedi G. Ahberdıeva.

Óz kezeginde Shymkent qalasy ákimdigi týrızm basqarmasy basshysynyń mindetin ýaqytsha atqarýshy Oljas Shıntaev memorandým aıasynda tıisti kelisimge kelip, aldaǵy ýaqytta iske asyrylatyn ortaq jobalardyń kestesi jasalǵanyn málim etti. Sondaı-aq, «bul qujat biryńǵaı týrıstik ónimdi qalyptastyrýǵa jáne ilgeriletýge, odan bólek ınfraqurylymdy jetildirýge mol múmkindik beredi», - dep atap ótti.