Túrkistan oblysy koronavırýstyń ekinshi tolqynyna daıyn
TÚRKІSTAN. QazAqparat – Túrkistan oblysy koronavırýstyń ekinshi tolqynyna daıyn, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
«Qazaqstanda koronavırýstyń ekinshi tolqyny bastaldy. Túrkistan oblysy epıdemıologııalyq ahýaldy baǵalaý kórsetkishi boıynsha qalypty degen «jasyl» aımaqta tur. Qaýipti ınfektsııanyń taraýy órshigen jaǵdaıda óńirdegi emdeý mekemelerindegi ınfektsııalyq tósek oryndar sanyn 6 myńǵa deıin ulǵaıtýǵa múmkindik bar. Jalpy, oblys boıynsha búgingi tańda myńǵa jýyq ınfektsııalyq jáne karantındik tósek oryn daıyn. Sońǵy bir táýlik ishinde oblys aýmaǵynda koronavırýs ınfektsııasyna shaldyqqan 16 adam tirkeldi. Ósý táýligine 0,42% quraıdy. Jalpy Túrkistan oblysynda 113 emdelýshi, Saryaǵash, Saıram, Tólebı, Sozaq, Túlkibas, Jetisaı aýdandarynyń turǵyndary em qabyldap jatyr. Aýyr jaǵdaıda jatqan naýqastar joq. Basym bóligi COVID-19-dan emdelip, saýyǵyp shyqty. Eldegi pandemııa bastalǵaly óńirde 3816 jaǵdaı tirkelip otyr. Onyń ishinde 2372 sımptomsyz jaǵdaı, 1642-si statsıonarlyq»,-delingen habarlamada.
