Túrkistan oblysy: Keles aýdanynda 3 mektep salynady
TÚRKІSTAN. QazAqparat – Keles aýdanyna 2021 jyly 3 mekteptiń qurylysyn júrgizý josparlanyp otyr, dep habarlaıdy Túrkistan oblysy ákimdiginiń baspasóz qyzmeti.
Úsh mekteptiń qurylysyna respýblıkalyq jáne oblystyq bıýdjet esebinen qarjy bólingen. Olar Oshaqty aýyldyq okrýgindegi №46 Abaı atyndaǵy mektep ǵımaratyna jańa 300 oryndyq oqý korpýsynyń qurylysymen qatar, sport zaly jáne ashana qurylysy qatar júrmek.
Sonymen qatar, Aqtóbe aýyldyq okrýginiń Yntymaq eldimekenindegi 300 oryndyq M.Gorkıı atyndaǵy orta mekteptiń qurylysy 2021 jyly tolyǵymen aıaqtaý josparlanyp otyr.
Keler jyldyń ishinde Qoshqarata aýyldyq okrýgindegi Jambyl eldimekenindegi №29 jalpy orta mektebiniń qurylysy da aıaqtalmaq.
Odan bólek, taǵy 7 mekteptiń qurylysyna qajetti qarjy bólinýi úshin qujattar joldandy. Al aýdandaǵy mádenıet jáne sport salalaryn damytý maqsatynda taǵy 6 qurylys nysanyn salýǵa tıisti qujattar daıyndaldy.
Bıyl Keles aýdanynda qurylys jumystaryn júrgizý úshin 23 jobalyq smetalyq qujattamalar daıyndaldy. Bul jobalar da keler jyldyń enshisinde.
