Túrkistan oblysy: karantın talaptarynyń saqtalýy polıtseılerdiń qatań baqylaýyna alyndy
TÚRKІSTAN. QazAqparat – Túrkistan oblysynda karantın talaptarynyń saqtalýy polıtseılerdiń qatań baqylaýyna alynǵan. Tártip saqshylary halyq arasynda qaýipti indettiń taralýynyń aldyn alý maqsatynda birqatar sharalar iske asyrylýda, dep habarlaıdy QazAqparat tilshisi.
Atap aıtqanda, Báıdibek aýdany polıtsııa bóliminiń qyzmetkerlerimen aýdan kóleminde kóshelerge, shekteý belgilengen jerlerge ishki beketter qoıylǵan. Osyǵan oraı, karantın kezinde aýdan turǵyndarynyń kóshelerde belgili ýaqyttarda ǵana júrip-turýy, asa qajettilik bolmasa syrtqa shyqpaýy, adamdar kóp shoǵyrlanǵan jerlerde qaýipsizdik sharalaryn saqtaýdy túsindirip ótti. Karantın sharalarynyń oryndalýyn Keles APB-niń qyzmetkerleri de baqylaýǵa alyp, qarqyndy jumys júrgizýde. Mundaǵy tártip saqshylary adamdar kóp shoǵyrlanatyn qoǵamdyq oryndar, bazarlarda, dámhanalarda túsindirme jumystaryn júrgizýde. Arnaıy kóliktermen, kóshe-kósheni aralap, qaýipsizdik sharalary men ara qashyqtyqtyń saqtalýyn eskertýde. Tártip saqshylary ákimshilik qyzmetkerlerimen birgelikte reıdtik sharalar ótkizip, demalys kúnderi dámhanalar men bazarlardyń jumystaryn toqtatty.
