Túrkistan oblysy: Kabınetinde karta oınaǵan ákim qyzmetten ketýi múmkin
TÚRKІSTAN. QazAqparat – Túrkistan oblysynda kabınetinde karta oınaǵan ákimniń isi qaraldy. Bl kórnis WhatsApp áleýmettik jelisi arqyly tarap ketken bolatyn, dep habarlaıdy QazAqparat tilshisi.
Jelige taraǵan kóriniste Shardara aýdanyna qarasty Q.Turysbekov aýyldyq okrýginiń ákimi Á.Seıdalıevtiń aýyldyń birneshe azamatymen birge jumys ornynda karta oınap otyrǵan áreketi túsken. Ákim qumar oıyndy qyzmettik bólmesinde jumystan tys ýaqytta keshki saǵat 21:00-der shamasynda uıymdastyrǵan.
Túrkistan oblysy boıynsha Ádep jónindegi keńeste memlekettik qyzmetshilerdiń Ádep Kodeksiniń talaptaryn saqtamaǵany úshin aýyl ákimine «qyzmettine tolyq sáıkes emestigi týraly eskertý» túrindegi tártiptik jazany qoldaný týraly sheshim qabyldanyp, usynys Shardara aýdany ákimine joldandy.
Ádep jónindegi keńeste sonymen qatar memlekettik qyzmetshige tártiptik jaza qoldaný tártibin jáne memlekettik kórsetiletin qyzmetterdiń merzimin júıeli túrde saqtamaǵan Saıram aýdany, Qarasý aýyldyq okrýginiń ákimi E.Bekberdıevtiń tártiptik isi qaraldy. Bul ákimge de keńes qorytyndysymen «qyzmettine tolyq sáıkes emestigi týraly eskertý» túrindegi tártiptik jazany qoldaný úshin Saıram aýdany ákimine usynys engizildi.
