Túrkistan oblysy elimizdegi týý men tabıǵı ósim boıynsha kósh bastap tur

Bul týraly oblystyq Statıstıka departamentiniń basshysy Aıdar Ábildabekov Óńirlik kommýnıkatsııalar qyzmetinde ótken brıfıngte málimdedi, dep habarlaıdy QazAqparat tilshisi.

Aıdar Ábildabekovtyń aıtýynsha, ótken jyldyń qorytyndysymen týý men tabıǵı ósim kórsetkishteri boıynsha óńir respýblıka kóleminde alǵashqy birinshi orynda tur. Osy ýaqyt merziminde oblysta 55 845 bala ómirge kelgen.

«2020 jyldyń 1 qańtaryndaǵy esep boıynsha Túrkistan oblysy halqynyń sany — 2 018 116 adamdy qurady. Sonyń ishinde qalalyq jerde — 405 539 adam, aýyldyq jerde — 1 612 577 adam turady. 2019 jylǵy 1 qańtarmen salystyrǵanda halyq sany 36 369 adamǵa nemese 1,8%-ǵa ósken. Óńirde ul balalardyń kóp týylý tendentsııasy áli de saqtalýda. Orta eseppen 1 000 qyz balaǵa 1 069 ul bala ómirge keldi», - dedi Aıdar Ábildabekov.

Sonymen qatar, byltyr kóshi-qonmen oblysqa kelgen halyqtyń sany — 55 385 adamdy quraǵan. Al, oblystan 66 665 adam kóship ketken.