Túrkistan oblysy bıýdjetine jyl basynan beri 122 mlrd teńgeden astam kiris tústi
Kiristerdiń kólemi ótken jyldyń sáıkes kezeńimen salystyrǵanda 34 mlrd 101 mln teńgege artyq bolǵan.
Atalǵan departament basshysynyń orynbasary Erkin Elshibekovtyń aıtýynsha, salany tsıfrlandyrý boıynsha Memlekettik kirister organdary kórsetetin 44 qyzmettiń 38 túrin elektrondy ádiste alý múmkindigi qarastyrylǵan.
«Oblys boıynsha 2021 jylǵy 5 aıdyń qorytyndysymen 529 039 qyzmet kórsetilgen. Onyń 77%-y elektrondy túrde kórsetilse, 23%-y qaǵaz túrinde kórsetilgen. Bul rette qaǵaz júzinde kórsetilgen qyzmetterdiń basym bóligin elektrondy túrde alý múmkindigi qarastyrylmaǵan. Naqtyraq aıtqanda: kólik quraldaryna arnalǵan kedendik deklaratsııa – 117 883, jolaýshylar kedendik deklaratsııasyn qabyldaý – 629. Kórsetiletin qyzmetterdiń sapasyn arttyrý úshin oblystyń 16 aýmaqtyq Memlekettik kirister basqarmalary men 7 keden beketinde jumys isteıtin qyzmet kórsetý ortalyqtary únemi Departament tarapynan qatań baqylaýda. Qyzmet alýǵa barynsha qolaıly jaǵdaı jasaý baǵytynda turaqty túrde jumys istep jatyrmyz», - dedi Erkin Keńesbekuly.
Memlekettik kirister organdary óz quzireti sheńberinde turaqty túrde baqylaý jumystaryn da júzege asyrady. Bul baǵytta táýekelderdi basqarý júıesi tıimdi qoldanylýda. Máselen, elektrondy shot-faktýra jazyp berýdi shekteý pılottyq jobasy aıasynda táýekeli joǵary 312 salyq tóleýshige habarlamalar shyǵyp, nátıjesinde 139 salyq tóleýshiniń elektrondy shot-faktýra jazyp berýine shekteý qoıylýmen qatar, 1 mlrd 259,4 mln teńge qosymsha kiris óndirilgen.
Sondaı-aq, oblystaǵy keden beketterinde 2021 jyldyń 5 aıynda 12 709 taýarǵa arnalǵan deklaratsııa - táýekel beıinderi júıesiniń baǵalaýynan ótkizilip, 751 kedendik tekseris júrgizilgen. Júrgizilgen kedendik tekserip qaraý nátıjelerinde 671 keden zańnamalarynyń buzylý faktileri anyqtalyp, tıimdilik kórsetkishi 89,3% quraǵan.
