Túrkistan oblysy Baıtoǵaı aýylynda qatty daýyl úılerdiń shatyryn ushyryp ketti
TÚRKІSTAN.QazAqparat – Túrkistan oblysyndaǵy Baıtoǵaı aýylynda qatty daýyl turyp, turǵyn úıler men ǵımarattar shatyrsyz qaldy. Sekýndyna 20 metr jyldamdyqpen soqqan jeldiń ekpini qatty bolyp, turǵyndarǵa qaýip tóndirgen, dep habarlaıdy QazAqparat tilshisi.
Oblystyq TJD málimetinshe, 5 maýsym kúni turǵan jel Baıtoǵaı aýylyndaǵy jalpy aýdany 653 sharshy metrdi quraıtyn ǵımarattardyń shatyryn ushyryp áketken. Olardyń qatarynda jeke baspanalar men kásipkerlik nysandar bar. Tabıǵı apattan eshkim zardap shekpegen. Qazirgi tańda keltirilgen shyǵyn kólemi anyqtalýda.
«Búgin, 6 maýsym kúni, oblystyń keı jerlerinde shańdy daýyl bolýy múmkin ekenin eskertemiz. Shyǵystan soqqan jeldiń ekpini sekýndyna 15-20 metr jyldamdyqty quraýy yqtımal» delingen habarlamada.
