Túrkistan oblysy aýmaǵyndaǵy №2020 áskerı bólimine taqaý mańda órt boldy
NUR-SULTAN. QazAqparat - Túrkistan oblysy aýmaǵyna ornalasqan №2020 áskerı bólimine taqaý jerde órt boldy. Bul týraly QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
«6 shilde kúni saǵat 21:02-de órtke qarsy qyzmet pýltine Túrkistan oblysynyń Saryaǵash aýdany aýmaǵynaǵy №2020 áskerı bólimine taqaý mańda qurǵaq shóptiń órtenip jatqany týraly habarlama tústi. Órt sóndirý bólimsheleri qabyldaǵan sharalardyń arqasynda saǵat 22:35- te qyzyl jalynnyń aldy alynyp, 22-57-de tolyq sóndirildi. Órt sharpyǵan aýmaq úsh gektardy qurady. Zardap shekkender men qaza tapqandar joq», - dep atap ótedi komıtetten.
Vedomstvo málimetinshe, órtti sóndirýge Túrkistan oblystyq tótenshe jaǵdaılar departamenti jeke quramynyń 22 mamany men 4 tehnıkasy jumyldyryldy.
