Túrkistan oblysy ákiminiń orynbasary jappaı vaktsınalaý barysymen tanysty
TÚRKІSTAN. QazAqparat - Túrkistan oblysy ákiminiń orynbasary Arman Sábıtov koronavırýsqa qarsy jappaı vaktsınatsııa sharalarynyń júrgizilý barysyn tekserdi. Oblystaǵy jalpy jaǵdaı týraly oblystyq Qoǵamdyq densaýlyq saqtaý basqarmasynyń basshysy Marat Pashımov baıandady, dep habarlaıdy QazAqparat.
A.Sabıtov jumys saparymen Qazyǵurt aýdanyna baryp, ortalyq aýrýhana jáne emhana ǵımarattarynyń kúrdeli jóndeý jumystarynyń barysymen tanysty. Merdiger kompanııalarǵa qurylystyń sapaly jáne merziminde tapsyrylýy kerektigi aıtyldy.
«Budan basqa, Qyzylqııa aýyldyq okrýgine qarasty Yntaly eldi mekenindegi osydan 50 jyldan astam ýaqyt buryn asarlatyp salynǵan feldsherlik-akýsherlik pýnktiniń eskirgen ǵımaratyn aralady. Sapar barysynda tıptik úlgidegi jańa feldsherlik-akýsherlik pýnktti salý qajettigi aıtyldy. Sondaı-aq Qyzylqııa aýyldyq okrýgi, Aınatas-2 eldi mekenindegi 2018 jyly qoldanysqa berilgen jańa modýldi medıtsınalyq tirek pen ortalyq aýrýhananyń COVID-19 qarsy vaktsınalaý jumysymen tanysty», - dedi Túrkistan oblysy ákiminiń baspasóz qyzmetinen.
