Túrkistan oblysy ákiminiń orynbasary maqtaaraldyq kásipkerlermen kezdesti

Meıirjan Myrzalıev eń aldymen aýdan ortalyǵy Myrzakent kentindegi «Myrzakent» maqta óńdeý zaýytyna bardy. Ermahan Jabýovtyń basshylyǵyndaǵy óndiris oshaǵynyń jalpy quny 1 mlrd. teńgeni quraıdy. Maqta shıkizatyn talshyqqa, shıtke, lıntke jáne ýlıýgke bólip shyǵaratyn zaýyttyń jyldyq qýattylyǵy 60 myń tonnaǵa deıin jetedi. Qazirgi tańda 521 adam dál osy kásiporynda jumyspen qamtylǵan. Oblys ákimi orynbasarynyń kelesi aıaldaǵan jeri - Birlik aýyldyq okrýgindegi «Qońyrat» mashına-traktor stantsııasy. Aǵymdaǵy jyldyń naýryz aıynda munda traktorlardyń tirkemesin jasap shyǵaratyn «Tirkeme 2PTSH-10-45» atty joba iske qosylǵan. Sonyń arqasynda 16 adam turaqty jumyspen qamtylǵan. Joba aıasynda ornatylǵan 3D qondyrǵylarda qajetti torly symdar men qańyltyr jasap shyǵarylyp, kólemi 8 tonnadan asa júk sııatyn traktor tirkemeleri qurastyrylýda. Jylyna 60 danaǵa deıin traktor tirkemelerin jasap shyǵara alady. Sondaı-aq, aýyl sharýashylyǵyna qajetti soqa, tyrma sııaqty t.b. tehnıkalarǵa qajetti qosalqy bólshekterdi jasaý múmkinshilikteri bar. Jalpy qazirgi tańda «Qońyrat» mashına-traktor stantsııasynda 47 adam jumys isteıdi. Munan soń M.Myrzalıev Atakent kentindegi «Altyn saraı» demalys kesheninde boldy. Quny 100 mln. teńgeni quraıtyn nysanda aýdan turǵyndary men qonaqtary qonaq úı, meıramhana, basseın qyzmetin bir ýaqytta paıdalana alady. Qonaq úı kesheni 2 qabattan turady. Birinshi qabatynda 40-50 adamǵa arnalǵan banket ótkizetin zal men qonaq kútetin bólmeler, al ekinshi qabatynda standartty, lıýks sanatyndaǵy jatyn bólmeler ornalasqan. Jalpy demalys kesheninde 15 adam turaqty jumyspen qamtylǵan. Basseınde bir ýaqytta 100 adam shomyla alady. Úlkenderge jáne balalarǵa arnalǵan 2 bólikten turady.

Sondaı-aq, jazǵy shatyr astyndaǵy oryndarda 150 adam meıramhana qyzmetin paıdalanyp, «Eýropa» men «Azııa» elderiniń eń tańdaýly ashanalarynan dám tata alady. Oblys ákimi orynbasarynyń sońǵy aıaldaǵan jeri - Maqtaaral aýdanynyń ınýdstrıaldy aımaǵy. Munda jalpy quny 450 mln. teńgeni quraıtyn «Bereke-MMA» maqta talshyǵyn tereń óńdeý zaýyty maqta terim naýqanyna qyzý daıyndyq jasap jatyr. 80 adamdy jumyspen qamtyp otyrǵan óndiris ornynyń jyldyq qýattylyǵy 20 myń tonnaǵa jetedi. Munan bólek, ındýstrıaldy aımaqta Germanııadan ákelingen tehnologııamen jabdyqtalǵan «Soldatos» JShS-nyń asfalt-beton zaýyty jumys jasap jatyr. Gretsııa memleketiniń ınvestıtsııasy arqasynda Alzaq Shyntaevtyń basshylyǵyndaǵy óndiris orny táýligine 1000 tonna asfalt-beton ónimderin óndire alady. Quny 300 mıllıon teńgeni quraıtyn zaýyt 30 adamdy jumyspen qamtyp otyr.