Túrkistan oblysy ákiminiń birinshi orynbasary Qosman Aıtmuhametov qaıtys boldy
TÚRKІSTAN. QazAqparat – Túrkistan oblysy ákiminiń birinshi orynbasary Qosman Aıtmuhametov qaıtys boldy. Bul týraly oblys ákiminiń orynbasary Sáken Qalqamanov jelidegi paraqshasynda jazdy, dep habarlaıdy QazAqparat.
«Túrkistan oblysy ákiminiń birinshi orynbasary Aıtmuhametov Qosman Qaıyrtaıuly 57 jasynda mezgilsiz dúnıeden ótti. Arda azamattyń otbasyna, týǵan-týystaryna qaıǵyryp kóńil aıtamyn», - dedi Sáken Qalqamanov.
Qosman Qaıyrtaıuly 1963 jyly 29 tamyzda Aqmola oblysy Ereımentaý aýdanynyń Bestóbe aýylynda týǵan.
Eńbek jolyn 1983 jyly Aqmola oblysy Sileti aýdany «Izobılnoeı» keńsheriniń 2-bólimshesiniń jumysshysy bolyp bastaǵan.
1983-2014 jyldary Aqmola oblysy Bestóbe ATK jabdyqtaý boıynsha ınjeneri, Aqmola oblystyq memlekettik poshta baılanysy qyzmeti Avtobaza baılanysynyń dırektory, poshta tasymaldaý boıynsha arnaıy avtokólik kásipornynyń bastyǵy, «Qazposhta» ashyq aktsıonerlik qoǵamy «Astana poshtamt» Astana qalasy fılıalynyń bastyǵy, Astana qalasy «Qalalyq kommýnaldyq sharýashylyq» memlekettik kásiporny bas dırektorynyń orynbasary, dırektory, «Astana qalalyq kommýnaldyq sharýashylyq» aktsıonerlik qoǵamynyń basqarma tóraǵasy, «Kredıt Qurylys NS» JShS óndiris dırektorynyń orynbasary, Aqmola oblysy ákiminiń orynbasary, birinshi orynbasary, ákimi, Qazaqstan Respýblıkasy Aýmaqtyq damý vıtse – mınıstri, QR Ulttyq mınıstrligi qurylys, turǵyn úı-kommýnaldyq sharýashylyq komıtetiniń jáne Jer resýrstary basqarmasynyń tóraǵasy qyzmetinde bolǵan.
2019 jyldyń aqpan aıynan bastap Túrkistan oblysy ákiminiń birinshi orynbasary qyzmetinde bolǵan.
