Túrkistan oblysy ákimdiginiń janynan sall-ortalyq táýlik boıy jumys isteıdi
NUR-SULTAN. QazAqparat – Túrkistan oblysynda turǵyndardyń saýalyna shuǵyl jaýap berý úshin arnaıy Call–ortalyq ashylýda, dep habarlaıdy oblystyq ákimdiktiń baspasóz qyzmeti.
Pandemııaǵa baılanysty memleket basshysy QR Prezıdenti Qasym-Jomart Toqaev Qazaqstanda tótenshe jaǵdaı engizip, barlyq saqtyq sharalaryn uıymdastyrý jumystary memleket tarapynan júrgizilýde.
Búgingi kúnniń ózekti máselesi koronavırýs ınfektsııasynyń bizdiń elde beleń alýyna jol bermeı, halyqtyń qaýipsizdigin qamtamasyz etý bolyp otyr.
Osyǵan baılanysty Túrkistan oblysy ákimdiginiń uıymdastyrýmen turǵyndardyń saýalyna shuǵyl jaýap berý úshin arnaıy Call–ortalyq ashylýda.
Ortalyq tótenshe jaǵdaıda týyndaǵan saýaldarǵa jaýap beretin bolady.
Arnaıy iske qosylǵan Call–ortalyq 109 nómiri arqyly táýlik boıy 24/7 formatta qońyraýlar qabyldaıtyn bolady.
