Túrkistan oblysy ákimdiginiń qyzmetkeri jemqorlyq úshin sottaldy

TÚRKІSTAN. QazAqparat - Túrkistan oblystyq Mádenıet basqarmasy qarjy bóliminiń basshysy sybaılas jemqorlyq qylmysyn jasaǵany úshin sottaldy, dep habarlaıdy QazAqparat.

«Túrkistan oblysynyń Sybaılas jemqorlyqqa qarsy qyzmeti jemqorlyq qylmysyn jasaǵany úshin kúdikti bolǵan óńirlik Mádenıet basqarmasynyń qarjy jáne josparlaý bólimi basshysy G.A. Nysanbekovaǵa qatysty sotqa deıingi tergeýdi aıaqtaǵan bolatyn. Ol aldaý jáne senimge kirý arqyly «Oblystyq mádenıet jáne halyq shyǵarmashylyǵy» MKQK dırektorynyń 2020 jylǵa bıýdjet tapsyrysyn bekitý úshin onyń 150 myń teńge kólemindegi qarajatyn ıemdengen. Aǵymdaǵy jyldyń 20 qarashasynda Túrkistan qalalyq sotynyń úkimimen Nysanbekova aıypty dep tanyldy. Oǵan ómir boıyna memlekettik qyzmette laýazym atqarý quqyǵynan aıyrý jáne 2,2 mln teńge aıyppul tóleý jazasy taǵaıyndaldy», - delingen QR Sybaılas jemqorlyqqa qarsy is-qımyl agenttiginiń málimetinde.