Túrkistan oblysy ákimdiginiń basshylyǵy koronavırýsqa qarsy egildi
TÚRKІSTAN. QazAqparat - Túrkistan oblysynda koronavırýsqa qarsy vaktsınatsııa bastaldy, dep habarlaıdy QazAqparat.
Málim etilgendeı, reseılik Sputnik V vaktsınasyn alǵashqy bolyp oblys ákiminiń orynbasary Arman Sábıtov, Qoǵamdyq densaýlyq basqarmasynyń basshysy Marat Pashımov, bas sanıtarlyq dáriger Nurbek Nyshanov saldyrdy.
«Aldymen olar dárigerlerge qaraldy. Vaktsınatsııa Túrkistan qalasyndaǵy ortalyq emhanada ótti. Vaktsına alǵannan keıin 30 mınýt boıy dárigerler baqylaýynda boldy. Túrkistan oblysynda búgin 250 adamǵa vaktsına salý josparlanǵan», - dedi ákimdiktiń baspasóz qyzmetinen.
Aıta keteıik, Qazaqstanda 1 aqpannan bastap koronavırýsqa qarsy erikti túrde vaktsınalaý bastaldy. Reseıde óndirilgen Sputnik V vaktsınasynyń birinshi partııasy Túrkistan oblysyna 1300 doza mólsherinde jetkizilip, barlyq aýdandarǵa taratyldy. Buryn qol jetkizilgen kelisimder negizinde Qaraǵandy farmatsevtıkalyq kesheni vaktsınalardyń alǵashqy partııasyn jetkizýdi júzege asyrdy.
Eske salaıyq, vaktsınany tek kámeletke tolǵan Qazaqstan azamattary ǵana ala alady. Oblysta koronavırýsqa qarsy vaktsınatsııa 2021 jyldyń sońyna deıin jalǵasady. Oǵan 950 myń adam qatysady dep josparlanýda. Birinshi kezeńde ınfektsııalyq aýrýhanalardyń, jedel medıtsınalyq járdemniń, reanımatsııa bólimsheleriniń, qabyldaý bólimderiniń medıtsına qyzmetkerleri vaktsınalanady.
Profılaktıkalyq egýge qarsy kórsetilimderi joq adamdar jiberiledi. Aldymen azamattar dárigerdiń mindetti tekserýinen ótedi. Túrkistan oblysynda egý pýnkteriniń daıyndyǵy tekserilip, profılaktıkalyq egýlerdi júrgizý máseleleri boıynsha standartty manıpýlıatsııalar bekitildi. Medıtsına qyzmetkerleri oqytyldy.
«Aıtpa keteıik, vaktsınatsııa koronavırýstyń odan ári taralýyna jol bermeı, qatań lokdaýn engizbeýdiń jalǵyz balamasy bolyp tabylady», - dedi Túrkistan oblysy ákiminiń baspasóz qyzmetinen.
