Túrkistan oblysy agroónerkásip kesheniniń sany boıynsha kósh bastap tur

NUR-SULTAN. QazAqparat - Aýyl sharýashylyǵynyń jalpy ónimi bir jylda 0,9% -ǵa ósti, dep habarlaıdy QazAqparat Finprom.kz resýrsyna silteme jasap.

2020 jyldyń qańtaryna deıin Qazaqstanda aýyl sharýashylyǵy ónimderin óndirýshi retinde 17,4 myń zańdy tulǵa, fılıaldar men ókildikter tirkeldi. Sektordaǵy kompanııalar sanynyń jyldyq ósimi 5,3% qurady.

Sondaı-aq, respýblıkada 219,4 myń sharýa jáne fermer qojalyǵy (jyldyq ósim - 8,1%) jáne aýyldarda, eldi mekenderde jáne aýyldyq okrýgterde 1,6 mln úı sharýashylyǵy (jyldyq ósim - 0,2%) tirkelgen.

Olardyń ishinde 13,9 myń zańdy tulǵa, fılıal men ókildik (jyldyq ósim - 7,5%) jáne 211,7 myń sharýa jáne fermer qojalyǵy (jyldyq ósim - 7,7%) belsendi aýylsharýashylyq óndirýshi sanalady.

Jumys istep turǵan zańdy tulǵa, fılıaldar men ókildikterdiń eń kóbi Túrkistan, Aqmola jáne Almaty oblystarynda ornalasqan.

Fermalar men sharýa qojalyqtary Túrkistan, Almaty jáne Jambyl oblystarynda kóp shoǵyrlanǵan.

Ótken jyldyń qańtar-jeltoqsanynda aýylsharýashylyq óniminiń jalpy kólemi 5,2 trln teńgeni qurap, naqty kólemniń ósimi 0,9% boldy.

Jalpy ónim kólemi boıynsha TOP-úshtikke Almaty (852 mlrd teńge), Soltústik Qazaqstan (631,9 mlrd teńge) jáne Túrkistan (627,5 mlrd teńge) oblystary engen.