Túrkistan oblystyq jedel járdem qyzmeti 16 kólikpen tolyqty
TÚRKІSTAN. QazAqparat - Túrkistan oblystyq jedel medıtsınalyq járdem stantsııasyna tolyq jabdyqtalǵan, zamanaýı talapqa saı jańa kólikter berildi, dep habarlaıdy QazAqparat óńir basshysynyń baspasóz qyzmetine silteme jasap.
Saltanatty sharaǵa oblys ákiminiń orynbasary Joldymurat Amanbaev jáne oblystyq qoǵamdyq densaýlyq basqarmasynyń basshylyǵy men medıtsına salasynyń qyzmetkerleri qatysty. Damyǵan elderdiń bir joǵary kórsetkishi - der kezinde jetetin jedel járdem.
Búginde oblysymyzda jedel járdem kórsetý stantsııasy men oǵan qarasty aýdandyq bólimsheler qyzmet kórsetedi. Adam ómirine birden-bir jaýapty sala isi ilgeri damýy úshin búgin 16 birdeı jedel járdem kóligi qoldanysqa berildi. Jıynnan soń «Gazel-NEXT» markaly avtokólikter oblystyq jedel járdem stantsııasynyń aýdandyq bólimshelerine jol tartty. Kólikter sońǵy úlgidegi ókpeni jasandy jeldetý apparatymen, elektrokardıograf, aspırator jáne taǵy da basqa asa qajetti qural-jabdyqtarmen jabdyqtalǵan. Aldaǵy ýaqytta oblystyń medıtsına salasyn qosymsha 26 arnaıy kólikpen qamtý josparlanýda.
