Túrkistan oblystyq sotynyń sýdıasy para alý ústinde ustaldy - UQK

TÚRKІSTAN. QazAqparat - Túrkistan oblystyq soty sýdıasynyń zańǵa qaıshy áreketiniń joly kesildi, dep habarlaıdy QazAqparat Ulttyq qaýipsizdik komıtetiniń baspasóz qyzmetine silteme jasap.

Ulttyq qaýipsizdik komıteti Joǵarǵy sottyń ishki qaýipsizdik bólimimen birlesip, Túrkistan oblystyq sotynyń qylmystyq ister jónindegi appelıatsııalyq sot alqasynyń sýdıasy Áshirbek Sháripuly Rahymbaevtyń sybaılas jemqorlyq áreketiniń jolyn kesti.

«Atap aıtqanda, A. Rahymbaev sottalýshynyń jazasyn jeńildetýge zańsyz járdem kórsetkeni úshin eleýli mólsherde para alǵan. 2020 jylǵy 31 qańtarda Túrkistan qalasynda A. Rahymbaev para alý kezinde qylmys ústinde ustalyp, jasaǵan qylmysyn tolyqtaı moıyndady» delingen habarlamada.

Para alý faktisi sondaı-aq jasyryn tergeý is-qımyl materıaldarymen dáleldenedi.

QR Qylmystyq kodeksiniń 366-baby 2-bólimi («Para alý») boıynsha sotqa deıingi tergeý jalǵasýda.