Túrkistan oblystyq polıtsııa departamentinde 17 basshylyq laýazym qysqartyldy
NUR-SULTAN. QazAqparat - Túrkistan oblystyq polıtsııa departamentinde 17 basshylyq laýazym qysqartyldy. Bul týraly búgin Túrkistan oblystyq PD bastyǵy Qaırat Dálbekov aıtty, dep habarlaıdy QazAqparat tilshisi.
«Túrkistan oblystyq polıtsııa departamentiniń shtat sanyn 275 birlikke nemese jeke quramyn 10 paıyzǵa qysqartý júrgizildi. 17 basshylyq laýazym, oblystyq apparattaǵy basshylyq laýazym sany 42-den 25 birlikke qysqartyldy. Úsh qurylymdyq bólimshe, atap aıtqanda jaýap alý men tergeý basqarmalary, uıymdasqan qylmyspen kúres pen krımınaldyq polıtsııa basqarmalary jáne jedel josparlaý men oblystyq basqarma shtaby biriktirildi», - dedi ol QR Іshki ister mınıstrligi janyndaǵy qoǵamdyq keńestiń otyrysynda.
Sonymen qatar oblystyq apparattyń issapar tıimdiligine saraptama júrgizilgendigin aıtty.
«2018 jyldyń úsh aıynda issapar shyǵystary 95 mln teńgeni qurasa, bıylǵy jyldyń dál sondaı kezeńinde issapar shyǵystary 50 mln teńgeni qurap, 47 paıyzǵa azaıdy. Saraptama qorytyndysyna sáıkes issapar shyǵystaryn qysqartý boıynsha qosymsha sharalar qabyldanady», - dedi Qaırat Dálbekov.
