Túrkistan oblystyq máslıhatynyń tóraǵalyǵyna Nuraly Ábishev saılandy
Búgin VIII shaqyrylymdaǵy Túrkistan oblystyq máslıhatynyń birinshi sessııasy bolyp ótti. Onda halyq qalaýlylaryna depýtattyq kýálikter saltanatty túrde tapsyryldy.
Sessııada kópshiliktiń daýys berýimen Túrkistan oblystyq máslıhatynyń tóraǵasy bolyp Nuraly Ábishev saılandy.
Sonymen qatar, Túrkistan oblystyq máslıhatynyń turaqty komıssııalary qurylyp, músheleri men tóraǵalary da saılandy.
Turaqty negizde jumys isteıtin tóraǵalary da anyqtaldy.
Sessııa otyrysyna qatysqan oblys ákimi Darhan Satybaldy halyq qalaýlylaryn quttyqtap, jumystaryna sáttilik tiledi.
«Óńirdiń áleýmettik-ekonomıkalyq damýy úshin júıeli sharalar qabyldaýymyz qajet. Kiris kózderin ulǵaıtyp, óndiris oryndaryn ashý úshin aýdan, qala ákimderi, basqarmalar, depýtattarmen birlesip óńdeý ónerkásibin, taý-ken óndirisin damytý boıynsha júıeli jumystar atqarý – ýaqyt talaby. Osy ortaq, abyroıly jumysty iske asyrýǵa sizder birkisideı at salysady dep senemin. Bul rette, depýtattarǵa turaqty túrde saılaýshylarmen kezdesýler ótkizý kerek. Halyqtyń muń-muqtajyn tyńdap, sony jergilikti bılikpen birlesip sheshý – basty maqsat» – dedi Darhan Satybaldy.
Jańadan saılanǵan depýtattyq korpýstyń 12 múshesi – aýyl sharýashylyǵy salasynyń mamandary bolsa, 11-i – bıznes salasynyń ókilderi.
Sondaı-aq, depýtattyq korpýsta 8-i – qurylys salasynda qyzmet etken mamandar men 5 quqyq qorǵaý organdarynda qyzmet atqarǵan azamattar bar.
Bilim men qoǵamdyq-saıası salalardan 10 ókil enip otyr.
