Túrkistan oblystyq klınıkalyq aýrýhanasynda otanyń jańa ádisi qoldanyldy
TÚRKІSTAN. QazAqparat - Oblystyq klınıkalyq aýrýhanada alǵash ret laparoskopııalyq tehnologııa ádisimen jaryq (gryja) emdeý ota túri qoldanyldy, dep habarlaıdy QazAqparat Túrkistan oblystyq Qoǵamdyq densaýlyq basqarmasynyń baspasóz qyzmetine silteme jasap.
Aqmola oblystyq klınıkalyq aýrýhanasynyń ota bóliminiń meńgerýshisi Hasenov Rýslan Ersaınuly jergilikti áriptesterine eki kún boıy master klass ótkizýde. Qazirgi ýaqytta jaryqtardy joıý úshin laparoskopııalyq tehnologııalar belsendi qoldanylady. Ota shat jáne kindik jaryqtarynan aıyqtyrady. Barlyq laparoskopııalyq aralasý tek jalpy anestezııamen júzege asyrylady. Az ǵana ýaqyt alady, ári naýqastyń denesinde pyshaq izin qaldyrmaıdy. Naýqas eki táýliktiń ishinde aýrýhanadan shyǵarylady. Naýqas aǵzasyna aýyrtpalyq túsirmeı, dárigerdiń barlyq keńesin tolyq qadaǵalaǵan jaǵdaıda, asqynýlar óte sırek kezdesedi. Qazir mundaı emdeý ádisi medıtsına salasynda óziniń tıimdiligin dáleldep, keń qoldanysqa ıe bolǵan.
