Túrkistan oblystyq klınıkalyq aýrýhanasynda ahýal ortalyǵy ashyldy
TÚRKІSTAN. QazAqparat - Túrkistan oblystyq klınıkalyq aýrýhanasynda ahýal ortalyǵy ashyldy. Óńirlik densaýlyq saqtaý basqarmasynyń basshysy Muqan Egizbaevtyń bastamasymen ashylǵan ortalyq emhanalyq, statsıonarlyq jáne medıtsınalyq kómektiń sapasy men ashyqtyǵyn jaqsartýǵa yqpal etpek, dep habarlaıdy QazAqparat tilshisi.
Sala mamandarynyń sózinshe, ortalyq aımaqtyń densaýlyq saqtaý júıesin baqylaý men basqarýdyń tıimdi quraly bolyp tabylady. ıAǵnı, munda árbir aýdan jáne medıtsınalyq uıymdar boıynsha shuǵyl áreket etý sharalaryn qoldaný arqyly onlaın taldaý júrgiziledi. Bes qyzmetker jumys isteıtin ortalyqta oblystyń árbir medıtsınalyq mekemesiniń aqparaty baqylanyp, óńdeledi.
Bul jumystardyń barlyǵyn atalǵan klınıkalyq aýrýhananyń bas dárigeri, Túrkistan oblysy boıynsha ahýal ortalyǵynyń úılestirýshisi Marat Pashımov basqaratyn boldy.
Búgin osy ortalyqtyń ashylýyna oraı jaýapty mamandar bas qosqan semınar ótti. Nur-Sultan qalasy men Túrkistan oblysy boıynsha aımaqtyq menedjerlerdiń qatysýymen ótken jıynda 18 medıtsınalyq uıymnyń 40 qyzmetkeri dáris aldy. Olarǵa oblystyq reıtıngtiń onlaın taldaý modýlin qosý, sondaı-aq bastapqy medıtsınalyq sanıtarlyq kómek jáne statsıonar qyzmetteriniń damýyna monıtorıng júrgizý jaıy aıtyldy.
