Túrkistan oblystyq Qazaqstan halqy Assambleıasynyń HHV sessııasy ótti
Kezdesýge Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵalym Shoıkın, Senat depýtaty Alısher Satvaldıev, Túrkistan oblysy ákiminiń orynbasary Beısen Tájibaev qatysyp, sóz sóıledi. Sonymen qatar sessııada Arys qalalyq polıtsııa bóliminiń ýchaskelik polıtsııa ınspektory Krokýs Mıhaıl men «Assambleıa jastary» respýblıkalyq qoǵamdyq birlestigi Túrkistan oblystyq ókildiginiń jetekshisi Indıra Ravan-Nahchıvanı baıandama jasady.
«Ózderińizge málim Qazaqstan halqy Assambleıasynyń HHHII sessııasynda elimizdiń Prezıdenti Qasym-Jomart Toqaev alda atqarylatyn jumystarda bes negizgi basymdyqqa mán berýdi usynǵan bolatyn. Bul basymdyqtardy iske asyrý úshin oblystyq Assambleıa, jergilikti atqarýshy jáne quqyq qorǵaý organdary, joǵary oqý oryndary, zııaly qaýym men úkimettik emes uıymdar birlese, naqty nátıjege baǵyttalǵan jumystardy iske asyrýy tıis. Osylaısha óńirimizde jyldar boıy qalyptasqan etnosaralyq birlik pen tatýlyq úlgisin saqtaý basty maqsatymyz bolýy qajet dep bilemin. Qazirgi tańda oblysta Assambleıa janyndaǵy 11 etnomádenı birlestik, Aqsaqaldar, Analar, Medıatsııa keńesteri eleýli máselelerdi talqylaýdyń, syndarly sheshimder qabyldaýdyń ámbebap dıalog alańyna aınaldy»,- dedi Beısen Tájibaev.
Osy oraıda, oblystyq Assambleıanyń qatysýymen etnosaralyq tatýlyq, qoǵamdyq kelisim men jalpyulttyq birlikti nasıhattaý maqsatynda 150-den astam túrli is-shara ótkizilip, 15 myńnan astam oblys turǵyny qatysty. Sonymen qatar búginde «Serpin», «Alǵashqy jumys orny», «Jastar praktıkasy», «Jas kásipker», «Bıznes bastaý», «Dıplommen aýylǵa» baǵdarlamalary, jańa bıznes-ıdeıalar úshin granttar berý, jeńildetilgen shaǵyn nesıe úlestirý, kolledjderge bólingen granttarǵa etnos ókilderin tartý boıynsha jumystar júrgizilýde.
«Qoǵamda etnos ókilderiniń etnıkalyq shyǵý tegine, dinı ustanymy men áleýmettik mártebesine oraı olardy eshkim kemsitpeýi tıis. Osy turǵyda árbir azamat ózi jasaǵan áreketine zańmen jaýap berip, onyń quqyqtyq saldary qandaı bolatynyn naqty túsinýi kerek.
Osy turǵyda halyq arasynda aqparattyq túsindirý jumystaryn tıimdi júrgizý, memlekettik organdardyń jumysyna ınnovatsııalyq ádisterdi engizý, Assambleıanyń qoǵamdyq qurylymdary jáne etnomádenı birlestikteriniń ásirese jergilikti jerlerde áleýetin durys paıdalaný mańyzdy.
Sonymen qatar, etnos ókilderiniń qazaq halqynyń mańyna toptasyp, qazaq ultynyń quramdas bóligine aınalýy barlyǵymyzdyń ortaq maqsatymyz bolýy shart.
Budan bólek, qoǵamdyq kelisimdi nyǵaıtý jáne ulttyq birlikti qalyptastyrýdaǵy BAQ ókilderiniń rólin kúsheıtý mańyzdy. Sondaı-aq jańa kommýnıkatsııa men mass-medıanyń ulttyq biregeılikti qalyptastyrýdaǵy róli erekshe ekendigi málim. Aqparattyq keńistikti utymdy paıdalaný arqyly memlekettik tildi qoldaný aıasyn keńeıtip, etnostar arasyndaǵy qazaq tiline degen qyzýǵylyshyqty arttyrýǵa qol jetkizýge bolady dep esepteımiz»,- dedi Ǵalym Shoıkın.
Búgingi tańda óńirde memlekettik organdar men uıymdarda qujat aınalymy 100 paıyz memlekettik tilde júrgizilip otyr. Oblysta memlekettik tildi meńgergen halyqtyń úlesi 95 paıyzdy quraıdy. Al etnos ókilderiniń arasynda qazaq tilin meńgergenderdiń sany 74 paıyzǵa jetti. Oblysta qazirgi tańda 17 tilderdi oqytý ortalyǵy bar, olarda 1600-ge jýyq turǵyn memlekettik tildi úırenip jatyr.
