Túrkistan oblystyq assambleıasy janyndaǵy qurylymdardyń jańa quramy bekitildi
«Qazaqstan halqy Assambleıasy» ǵımaratynda bolǵan jıynǵa máslıhat depýttary, oblysytaǵy birqatar basqarmalardyń basshylary, quqyq qorǵaý organdarynyń ókilderi, oblystyq etnomádenı birlestikter men dinı konfessııalardyń jetekshileri jáne BAQ ókilderi qatysty.
Keńes otyrysynda oblystyq assambleıa janyndaǵy qurylymdardyń jańa quramy bekitilip, qolǵa alynatyn aýqymdy bastamalardy iske asyrý máseleleri talqylandy.
Túrkistan oblysy ákimi apparaty «Qoǵamdyq kelisim» KMM basshysynyń mindetin atqarýshy Zańǵarbek Úsipahmetov assambleıanyń qyzmeti jáne aldaǵy negizgi mindetteri týraly baıandama jasady.
Kún tártibindegi negizgi másele Túrkistan oblystyq assambleıasy janyndaǵy qoǵamdyq qurylymdardyń jetekshilerin taǵaıyndaý bolatyn.Osy oraıda:
-Oblystyq assambleıa tóraǵasynyń qoǵamdyq negizdegi orynbasarlyǵyna oblystyq ózbek etnomádenı birlestiginiń tóraǵasy Batdrıdın Nıshankýlov pen ıran etnomádenı birlestiginiń tóraǵasy Nýrysbek Kapar-Pýr;
-Qoǵamdyq kelisim keńesiniń tóraǵalyǵyna memleket jáne qoǵam qaıratkeri Serik Piralıev;
-Analar keńesiniń tóraıymyna Dúısenkúl Jambolova;
-Ǵylymı-sarapshylyq toptyń jetekshiligine oblys ákiminiń keńesshisi, tarıh ǵylymdarynyń doktory, professor Sattar Májıtov;
-Jýrnalıster men blogerler klýbynyń jetekshiligine «Janýbıı Qozoǵıston» gazetiniń dırektory - bas redaktory Alısher Satybaldıev;
-«Jańǵyrý joly» respýblıkalyq jastar qozǵalysy óńirlik shtabynyń jetekshiligine Erkebulan Narbaev;
-Medıatsııa keńesiniń jetekshiligine «Qoǵamdyq kelisim» mekemesiniń sarapshysy Nurjan Meırmanov taǵaıyndaldy.
Kún tártibindegi negizgi máseleler boıynsha Túrkistan oblystyq ózbek etnomádenı birlestik tóraǵasynyń orynbasary Gýlırano Rasýlova, oblystyq slavıan etnomádenı birlestiginiń tóraıymy Marına Lımarenko, oblystyq ıran etnomádenı birlestiginiń tóraǵasy Nýrysbek Kapar-Pýr baıandama jasady.
Keńes otyrysyn qorytyndylaı kele, oblys ákiminiń orynbasary Málik Otarbaev Elbasymyzdyń Qazaqstan halqy Assambleıasynyń HHVI sessııasynda bergen tapsyrmalary Túrkistan oblysynda sapaly oryndalýy qajettigin atap ótti. Sondaı-aq Elbasynyń «Uly Dalanyń jeti qyry» atty baǵdarlamalyq maqalasyndaǵy mindetterdi oryndaý boıynsha etnos ókilderin qatystyra otyryp, keshendi is-sharalar josparyn jasaýǵa tapsyrma berdi.
