Túrkistan oblystyq Ádep jónindegi keńes tóraǵasy Jetisaı aýdanyndaǵy memlekettik qyzmetshilermen kezdesti

JETІSAI. QazAqparat – Túrkistan oblystyq Ádep jónindegi keńes tóraǵasy Bolat Isaqov Jetisaı aýdanyndaǵy memlekettik qyzmetshilermen kezdesti. Departament basshysy sóz sóılegen jıynǵa qala, kent, aýyl okrýgteriniń ákimderi men mektep dırektorlary jáne barlyq memlekettik qyzmetshiler qatysty, dep habarlaıdy QazAqparat tilshisi.

Jıyn barysynda sóz alǵan Bolat Álmahanuly bıylǵy jyldyń 9 aıynda departamentke jeke jáne zańdy tulǵalardan 537 shaǵym túskenin atap ótti. Onyń 492-si memlekettik qyzmetshilerdiń is-áreketine, qalǵany 45-i memlekettik kórsetiletin qyzmetke qatysty bolǵanyn jetkizdi. Basqosýda jaryssózge shyqqan azamattar ózderiniń kókeılerinde júrgen suraqtaryn departament basshysyna qoıyp, sáıkesinshe tıisti jaýaptaryn aldy. Sondaı-aq, Bolat Álmahanuly aýdanǵa jasaǵan sapary barysynda qaladaǵy halyqqa qyzmet kórsetý ortalyǵy men halyqty jumyspen qamtý ortalyǵynyń, Jetisaı qalasy ákimi apparatynyń jumysymen tanysty. Aýdandyq jumyspen qamtý jáne áleýmettik baǵdarlamalar bólimderin aralap, aýdan turǵyndaryn jeke máseleleri boıynsha qabyldady.