Túrkistan men Taraz turǵyndaryna túnde aspannan tańǵajaıyp jaryq kórindi
TÚRKІSTAN. QazAqparat- Túrkistan men Taraz turǵyndaryna túnde aspannan tańǵajaıyp jaryq kórindi, dep habarlaıdy QazAqparat tilshisi.
Túnde saǵat 22:30 ben 23:00 aralyǵynda aspanda tizbektelgen jaryq paıda boldy. Bir syzyq boıynda jyljyǵan sáýle birshama ýaqyttan soń ǵaıyp boldy. Jeli qoldanýshylary bul jaıtty «juldyzdar tizbegi», «Ózge ǵalamsharlyqtar», «Ilon Makstyń spýtnıgi, «Ushatyn poıyz», «Aspan kemesi» dep atap jatty.
Belgisiz beıneni Tarazdyq turǵyndar da kórgen. Bul týraly Kósemáli Sáttibaıuly esimdi jeli qoldanýshysy «Taraz aspanynan tańǵajaıyp jaryq kórindi» dep jazdy óz Facebook paraqshasynda.
«Raketanyń sońynda shubatylyp qalatyn kádýilgi izge uqsamaıdy. Ol týraly aıtpaı-aq qoıyńyzdar. Bul bir uqsasa, tún ishinde terezeleriniń shamdary jarqyrap ótip bara jatqan poıyzǵa uqsaıdy. Ózim de soǵan uqsattym. Shynynda ne boldy eken?
El « Ilon Mask spýtnıkteri « degen soń Gýglge kirip izdep edim, myna anyq sýret shyǵa keldi. «Júre berseń, kóre beresiń» degen, muny da kórdik. Bir shyǵarmama arqaý bolar...», - dedi ol.
Vıdeodan alyn ǵ an kadr
