Túrkistan men Otyrardy, Esik pen Bereldi ulttyq sımvoldarymyz retinde qasterleý kerek - respýblıkalyq basylymdarǵa sholý
ASTANA. Maýsymnyń 16-y. QazAqparat - QazAqparat agenttigi respýblıkalyq basylymdarda maýsymnyń 16-y, sársenbi kúni shyqqan ózekti materıaldarǵa sholýdy usynady.
****
«Qysqa merzimde boıy kótergen ǵajaıyp qala - Astana otandastarymyzdyń rýhyn aspandatyp, ǵalamat josparlar túzýge jigerlendirýmen qatar, álemdik keńistiktegi maqtanysh týymyzdy jelbirete kórkeıýde. Onyń bir parasy janǵa jaıly jasyl jeleginen de kórinis tabady. Elbasy Nursultan Nazarbaev Astananyń jasyl beldeýin keńeıtip, onyń kólemin 75 myń gektarǵa jetkizý tapsyrmasyn qoıyp otyr. Óńirlik erekshelikterdi eskersek, munda ǵylymı áleýet aıryqsha syndy eńserýi qajet», dep jazady «Egemen Qazaqstan» basylymy búgingi shyqqan nómirindegi «Astananyń jasyl jelegi jaıqalyp keledi», atty maqalada. Atalmysh taqyrypqa baılanysty mamandardyń pikirin bilgińiz kelse, «Egemen Qazaqstandy» oqyńyz.
Sondaı-aq atalmysh basylym EQYU-nyń Іs basyndaǵy tóraǵasy, QR Memlekettik hatshysy-Syrtqy ister mınıstri Qanat Saýdabaevtyń AQSh-tyń Memlekettik hatshysy Hılları Klıntonmen telefon arqyly habarlasqanyn jazady. Onda taraptar Qyrǵyzstandaǵy jaǵdaıǵa alańdaýshylyq bildirip, onda ýaqytsha úkimetpen belsendi ári tıimdi jumystar júrgizip, Qyrǵyz halqynyń múddesi úshin ultaralyq tózimdilik, senim jáne kelisimge qajetti jaǵdaı uymdastyrýǵa shaqyrady.
*****
Al «Aıqyn» basylymy «Osydan eki jyl buryn Elbasy Nursultan Nazarbaev «Mádenı mura» baǵdarlamasyn odan ári damytýdyń baǵyttaryn aıqyndap, Túrkistan men Otyrardy, Esik pen Bereldi ulttyq sımvoldarymyz retinde qasterleýdi shegelep turyp tapsyrdy, Іzinshe «Mádenı mura» strategııalyq ulttyq jobasyn iske asyrý jónindegi qoǵamdyq keńes otyrysynyń tártibine ózgeris engizilip, ol tek Astanada ǵana emes Almatyda sondaı-aq naqty tarıhı-mádenı jerlerde dástúrli túrde uıymdastyrylatyn boldy», delingen basylymnyń búgingi sanynda shyqqan «Berel qorǵanyn ashyq aspan astyndaǵy murajaı etip, týrızm ortalyǵyna aınaldyrýymyz kerek» atty maqalada. Avtor onda atalmysh másele tóńireginde nendeı jumystar atqarylyp jatqandyǵy jóninde baıandaıdy.
Sondaı-aq atalmysh basylym «Oshtaǵy oqıǵalar aldyn ala daıyndalyp, ádeıi jasalyp otyr. Shý oblysy nemese Bishkekte de osyndaı alaýyzdyq bolýy yqtımal. Biraq biz buǵan daıynbyz. Ras eldiń ońtústiginde oqys bastalǵan oqıǵaǵa daıar bolmaı shyqtyq. Óıtkeni ol jaqta jaǵdaı turaqtandy dep eseptegen bolatynbyz. Biraq bári kerisinshe boldy. Bul bizge úlken sabaq», deıdi Ýaqytsha úkimet basshysynyń birinshi orynbasary Almazbek Atambaev», dep jazady. Basylymdaǵy «Qyrǵyz bıligi kómek suraıdy...» atty taqyryptaǵy maqaladan Qyryǵyzstandaǵy jaǵdaılarǵa baılanysty kóptegen jáıttermen qanyǵýǵa bolady.
*****
«Alash aınasy» «Qansha súzgiden óse de, tazalanbaıtyn neǵylǵan test» atty maqala jarııalap, Ulttyq biryńǵaı testileý jumystarynyń júrgizilý barysyn synaǵan. «Mektep bitirýshilerdiń asyǵa kútken Ulttyq biryńǵaı testileýi de ótti. Bul joly da burynǵy stsenarıı kóp ózgermedi. Jyldaǵy appelıatsııa, jyl saıynǵy qaıtalanar maǵynasy kúmándi suraqtar, túrli zań buzýshylyqtarmen qatar 11 jyl boıy bestik baǵadan basqany tanymaǵan «Altyn belgige» úmitker túlektiń
1-2 baldan múlt ketip, ádildik izdep sharq urýy sekildi kórinister taǵy qaıtalandy» dep jazady avtor maqalasynda.
Sondaı-aq osy basylym «65 ushaqtyń «qanaty qıyldy» dep dabyl qaǵyp otyr. Atalmysh taqyryppen jarııalanǵan maqalada elimizdegi áýe kompanııalaryna tıesili 65 ushaq qyzmetin toqtatýy múmkin ekendigi jazylǵan. Sebebi áýe kólikterine júrgizilgen tekserýler barysynda jolaýshylar qaýipsizdigine baılanysty talaptardyń óreskel buzylǵany anyqtalǵan.
*****
«Kazahstanskaıa Pravda» basylymy búgin elimiz úshin qýanyshty jańalyq jetkizdi. Ondaǵy «Demonstratsııa stabılnostı» atty maqalada» Menedjmentti damytý halyqaralyq ınstıtýtynyń málimetteri boıynsha Qazaqstannyń reıtıngi ótken jyldaǵydan birshama kóterilgendigin jazady. Ondaǵy málimetterge súıensek, elimiz ótken jyldan beri 3 orynǵa joǵarylap, 58 memlekettiń arasynda
33-shi orynǵa taban tiregen. 2010 jyly jalpy reıtıng sharalary ekonomıka jetistikteri, úkimettiń tıimdiligi, bıznestiń tıimdiligi men ınfraqurylymnyń jaǵdaıy sııaqty 4 krıterıı boıynsha júrgizilgen.
*****
«Lıter» basylymy búgingi sanynda Qyrǵyzstandaǵy jaǵdaılarǵa qatysty saıasatkerler men saıasattanýshylardyń pikirlerin beripti. Prezıdentiń keńesshisi Ermuhamet Ertisbaev basylym tilshisine bergen suhbatynda «Qyrǵyzstandaǵy haos pen anarhııanyń sebep-saldary onda ult kóshbasshysynyń joqtyǵynan» dese, saıasattanýshy Erlan Qarın «Qyrǵyzstandaǵy jaǵdaılar aımaqtyq qaýipsizdik júıesin álsiretip otyr» degen pikirin bildiripti. Atalmysh azamattardyń aımaqtaǵy jalpy jaǵdaıǵa qatysty pikirlerin blgińiz kelse, «Lıter» basylymynyń búgingi sanyn qarańyz.
