Túrkistan mektepterinde ystyq tamaqtan únemdelgen qarjyǵa kópbalaly otbasylarǵa noýtbýk áperiledi

TÚRKІSTAN. QazAqparat – Túrkistan qalasynyń ákimi Rashıd Aıýpov mektep dırektorlarymen qashyqtan sapaly oqytý máselesi boıynsha daıyndyqtaryn pysyqtady. Onlaın baılanys kezinde ár pándi úıde otyryp oqýda eń tıimdi jáne jańashyl joldardy qarastyrýdyń mańyzdylyǵy talqylandy, dep habarlaıdy QazAqparat tilshisi.

Talqylaý barysynda jergilikti «Turan-Túrkistan» telearnasy arqyly muǵalimderdiń kúndelikti sabaq berýi men OnlineMektep qashyqtyqtan oqytý júıesin orta bilim berý uıymdaryna engizý, Youtube kanalyna ozyq tájirıbeli muǵalimderdiń sabaqtaryn júkteý men oqýshylardy tehnıkalyq quralmen qamtamasyz etý jaǵy pysyqtalyp jatqany aıtyldy. Sondaı-aq, ZOOM, Google Classroom, EduPage arqyly jumys jasaý jolynda daıyndyq barysy sóz boldy. Sala mamandarynyń aıtýynsha, mektepterde karantın kezinde qarastyrylǵan ystyq tamaq pen kıim-keshekten únemdelgen qarjyǵa kópbalaly otbasylarǵa planshet pen noýtbýk áperilmek.

«Bıyl 1-11 synypqa 44 000-nan astam oqýshy keler bolsa, onyń 22 000-ǵa jýyǵy, ıaǵnı 9 000-nan astam otbasyn tehnıkamen qamtamasyz etý josparlanǵan. Bıyl jańa platformaǵa geımıfıkatsııa, ıaǵnı, oqytý protsesin oıyn tehnıkasy arqyly iske asyrý qarastyrylýda. Oqýshy ár ótken sabaqtary úshin bonýs jınap, nátıjesinde túrli syılyqtarǵa ıe bola alady», - deıdi sala mamandary.

Odan ózge, «Jumyspen qamtý jol kartasy» baǵdarlamasy boıynsha aǵymdaǵy jóndeý júrgizilip jatqan 26 mektep men bir balabaqshanyń qurylys barysy da jergilikti bıliktiń basty nazarynda.

Búginde Q.Sátbaev, №21, №24 jáne S.Raqymmov mektepterinde jóndeý jumystary tolyq aıaqtalsa, 6 mekemede baıaý júrip jatyr. Óz kezeginde qala basshysy, jóndeýde ásirese ishki ájethana júıesi men mektep aýlasyn qorshaýǵa basty nazar qoıý qajettigin aıtty.

Aıta keteıik, qaladaǵy 33 mekteptiń ishinde 28-inde ǵana ishki ájethanasy bar. Basqa mektepterde ájethana qosymsha salynyp nemese modýldi ájethanamen qamtamasyz etiledi dep josparlanyp otyr.